టాలీవుడ్ ప్రొడ్యూసర్ దిల్ రాజు ‘వరిసు’ సినిమాతో తమిళ పరిశ్రమలోకి ఎంట్రీ ఇచ్చాడు. తెలుగు డైరెక్టర్ వంశీ పైడిపల్లి ఈ సినిమాకు దర్శకత్వం వహించారు. తెలుగులో ఈ సినిమా ‘వారసుడు’గా వచ్చి మిక్స్డ్ టాక్ ను అందుకుంది. కమర్షియల్ ఫ్యామిలీ డ్రామాగా ఈ సినిమా తెరకెక్కింది. ఈ సినిమా తమిళనాట బ్లాక్ బాస్టర్ హిట్ గా నిలిచింది. అటు మాస్ ఆడియన్స్ ను ఇటు క్లాస్ ఆడియన్స్ ను ఈ సినిమా ఎంతగానో ఆకట్టుకుంది. కేవలం ఏడు రోజుల్లోనే ఈ సినిమా రూ.210 కోట్లకు పైగా కలెక్షన్లను రాబట్టింది.
Exclusive Video From Yesterday #Varisu Success Meet !🌪️ @actorvijayhttps://t.co/apVTWHfXmh
— #GOAT OFFICIAL (@TeamGOAT2024) January 22, 2023
ఇటీవలె హైదరాబాద్ లో చిత్ర యూనిట్ కు దిల్ రాజు గ్రాండ్ పార్టీ ఇచ్చారు. ఈ పార్టీకి డైరెక్టర్ వంశీ పైడిపల్లి, మ్యూజిక్ డైరెక్టర్ థమన్, హిరో విజయ్ తో పాటుగా దిల్ రాజు కుటుంబీకులు హాజరయ్యారు. పార్టీలో దిల్ రాజు మనవరాలు ప్రత్యేక ఆకర్షణగా నిలిచింది. వారసుడు సినిమాలోని రంజితమే సాంగ్ కు దిల్రాజు మనవరాలు ఇషిత డ్యాన్స్ వేసింది. పాప డ్యాన్స్ కు హీరో విజయ్ ఫిదా అయిపోయాడు. దీంతో పాపను ఎత్తుకుని ముద్దాడుతూ ఫోటోలు దిగాడు. ప్రస్తుతం దానికి సంబంధించిన ఫోటోలు సోషల్ మీడియాలో వైరల్ అవుతున్నాయి.
