అక్కినేని అఖిల్ చేస్తున్న ఫస్ట్ పాన్ ఇండియా మూవీ ‘ఏజెంట్’. స్టైలిష్ స్టార్ సురేందర్ రెడ్డి ఈ సినిమాను తెరకెక్కిస్తున్నాడు. ఈ సినిమా పై అఖిల్ భారీ ఆశలు పెట్టుకున్నాడు. మాస్ ఫాలోయింగే కాదు పాన్ ఇండియా స్టార్ డమ్ అందుకోవాలని తహతహలాడుతున్నాడు. కానీ ఏజెంట్ మాత్రం అనుకున్న సమయానికంటే ఎక్కువగా డిలే అయిపోయింది. ఫైనల్‌గా హిట్ ట్రాక్ ఉన్న డేట్.. ఏప్రిల్ 28న థియేటర్లోకి రాబోతున్నాడు ఏజెంట్. అయితే పాన్ స్కేల్ ఉన్న ఈ సినిమాకు.. అనుకున్నంత స్థాయిలో ప్రమోషన్స్ జరగడం లేదు. రీసెంట్‌గా అఖిల్ ఇంటర్య్వూస్ స్టార్ట్ చేశాడు. కానీ ఏజెంట్ హైప్‌కి ఇది సరిపోదు. ఈ సినిమాకు అఖిల్ మార్కెట్‌కు మించి బడ్జెట్ ఖర్చు చేస్తున్నారు. మరి ఆ టార్గెట్ రీచ్ అవాలంటే.. ఖచ్చింతగా భారీ హైప్ క్రియేట్ చేయాల్సిందే. కానీ ఇంకా షూటింగ్ చేస్తునే ఉంది ఏజెంట్ టీమ్. సినిమా రిలీజ్‌కు మరో రెండు వారాల సమయం మాత్రమే ఉంది. అయినా ఇప్పటి వరకు షూటింగ్ చేస్తున్నారంటే.. ఏజెంట్ ఎంత డిలేనో అర్థం చేసుకోవచ్చు. అయితే ఫైనల్‌గా ఈ సినిమాకు ఫైనల్ టచ్ ఇచ్చేసినట్టేనని తెలుస్తోంది. లేటెస్ట్ అప్డేట్ ప్రకారం.. ఈ సినిమాలో స్పెషల్ సాంగ్‌ని షూట్ చేస్తున్నారట. ఈ సాంగ్‌లో వాల్తేరు వీరయ్యలో మెగాస్టార్‌తో స్టెప్పులేసిన హాట్ బ్యూటీ.. ఊర్వశి రౌటేలా చిందేస్తోందట. వేర్ ఈజ్‌ ది పార్టీ సాంగ్‌తో టాలీవుడ్‌లో మంచి అవకాశాలు అందుకుంటోంది ఊర్వశి. ఇప్పటికే రామ్, బోయపాటి సినిమాలో కీ రోల్ ప్లే చేస్తోంది. ఇక ఇప్పుడు అఖిల్‌తో సాంగ్ చేస్తోంది. ఈ పాటతో ఏజెంట్ షూటింగ్ దాదాపుగా అయిపోనట్టేనని అంటున్నారు. ఇదిలా ఉంటే.. ఈ రోజు సాయంత్రం 5 గంటల 5 నిమిషాలకు ఏజెంట్ నుంచి థర్డ్ సింగిల్‌ అనౌన్స్మెంట్ రాబోతోంది. ఇప్పటికే రిలీజ్ అయిన సాంగ్స్, టీజర్‌కు మంచి రెస్పాన్స్ వస్తోంది.
