Akhil's birthday.. Solid update
AKhil Akkineni: కరెక్ట్‌గా వాడుకోవాలే గానీ.. అక్కినేని అఖిల్ కటౌట్‌కి హాలీవుడ్ రేంజ్ సినిమా పడుతుంది. కానీ అలా జరగడం లేదు. అక్కినేని మూడో తరం హీరోగా గ్రాండ్‌గా ఎంట్రీ ఇచ్చాడు అఖిల్. తన పేరునే టైటిల్‌గా పెట్టుకొని అఖిల్ సినిమాతో లాంచ్ అయ్యాడు. మాస్ డైరెక్టర్ వివి వినాయక్ తెరకెక్కించిన ఈ సినిమా బాక్సాఫీస్ దగ్గర దారుణమైన డిజాస్టర్‌గా నిలిచింది. దీంతో మాస్ నుంచి క్లాస్ బాట పట్టాడు అఖిల్. ఈ క్రమంలో హలో, మిస్టర్ మజ్ను, మోస్ట్ ఎలిజిబుల్ బ్యాచిలర్, ఏజెంట్ సినిమాలు చేశాడు. ఇప్పటి వరకు హీరోగా అఖిల్ 5 సినిమాలు చేయగా.. అందులో మోస్ట్ ఎలిజిబుల్ బ్యాచ్‌లర్ మాత్రమే ఓ మోస్తారు విజయాన్ని అందించింది. కానీ భారీ ఆశలు పెట్టుకొని అఖిల్ ఎంతో కష్టపడ్డ ఏజంట్ సినిమా మాత్రం ఘోరంగా ఫ్లాప్ అయింది. అయిన కూడా అఖిల్ సినిమా రిలీజ్ అవుతుందంటే చాలు.. థియేటర్ల దగ్గర మాస్ జాతరను తలపిస్తుంది. ఒక్క సాలిడ్ హిట్ లేకుండానే అఖిల్ క్రేజ్ ఈ రేంజ్‌లో ఉంటే.. ఒక్క మాసివ్ హిట్ పడితే ఎలా ఉంటుందో ఊహించుకోవచ్చు.
చదవండి:TS Weather : తెలంగాణ జిల్లాలకు ఎల్లో అలర్ట్‌.. నాలుగు రోజులు వర్షాలు
అయితే.. ఏజెంట్ తర్వాత కాస్త సెలెన్స్ మెంటైన్ చేస్తున్నాడు అఖిల్. కానీ ఇక పై ఇలా ఉండదనే నమ్మకం వ్యక్త పరుస్తున్నారు అభిమానులు. ఏప్రిల్ 8న తన పుట్టిన రోజు వేడుకలు జరుపుకుంటున్నాడు అఖిల్. ఈ సందర్భంగా.. ఈ బర్త్ డే తర్వాత రాబోయే సినిమా అఖిల్‌కి మంచి హిట్ ఇస్తుందని.. సోషల్ మీడియా వేదికగా పుట్టిన రోజు శుభాకాంక్షలు తెలుపుతున్నారు అభిమానులు. అఖిల్ కూడా.. కొడితే కుంభ స్థలాన్నే కొట్టాలి అన్నట్టుగా.. ఈసారి భారీ సోషియో ఫాంటసీ సినిమా చేయడానికి రెడీ అవుతున్నాడు. యూవి క్రియేషన్స్‌ బ్యానర్ నిర్మించనున్న ఈ సినిమాతో.. అనిల్ కుమార్ అనే కొత్త దర్శకుడు ఇండస్ట్రీకి పరిచయం అవుతున్నాడు. మరి నెక్స్ట్ సినిమాతోనైనా అఖిల్ హిట్ అందుకుంటాడేమో చూడాలి.
చదవండి:Yogi Adityanath: కాంగ్రెస్‌పై యోగి ఆదిత్యనాథ్ విమర్శలు
