Vishwak Sen: ఇక నుంచి ప్రయోగాలు చేయనని.. గామినే తన లాస్ట్ ఎక్స్‌పెరిమెంటల్ ఫిల్మ్ అని చెబుతున్నాడు విశ్వక్ సేన్. నెక్స్ట్ రెండు మూడేళ్లలో మెంటల్ ఎక్కిపోయే సినిమాలు చేస్తానని అంటున్నాడు. అయితే.. గామితో మాత్రం విశ్వక్ సేన్ కెరీర్ బెస్ట్ ఫిల్మ్ చేస్తున్నట్టుగానే ఉంది. రీసెంట్‌గా రిలీజ్ చేసిన మేకింగ్ వీడియో చూస్తే.. విజువల్ పరంగా గామి ఓ వండర్ అనేలా వస్తోందనే చెప్పాలి. గ్రాఫిక్స్‌తో పాటు ఈ సినిమా షూటింగ్ కోసం చాలా రిస్క్ చేశారు మేకర్స్. అసలు ఈ సినిమా మొదలై చాలాకాలం అవుతోంది. ఫైనల్‌గా మార్చి 8న గామి రిలీజ్‌కు ప్లాన్ చేస్తున్నారు.
ఇది కూడా చూడండి: Cotton Candy: తమిళనాడులో పీచుమిఠాయిపై నిషేధం
ఈ నేపథ్యంలో ప్రమోషన్స్ స్టార్ట్ చేసిన మేకర్స్.. లేటెస్ట్‌గా క్యారెక్టర్స్ ఆఫ్ టీజర్‌ని రిలీజ్ చేశారు. ఈ టీజర్ ఆద్యంతం ఆసక్తిగా సాగింది. ఇదే నీ సమస్యకు పరిష్కారం.. అంటూ ఓ మ్యాప్ చూపిస్తూ టీజర్‌ని మొదలుపెట్టారు. అక్కడి నుంచి ఒక్కో క్యారెక్టర్‌ను చూపిస్తూ.. సాలిడ్ విజువల్స్‌తో టీజర్ కట్ చేశారు. హీరోయిన్ చాందిని చౌదరి కాశీలో ఫోటోలు తీస్తూ కనిపించింది. ఇందులోని క్యారెక్టర్స్ అన్నీ కూడా ఏదో చూసి ఆశ్చర్యపోతున్నట్టుగా చూపించారు.
ఇది కూడా చూడండి: Yash: భార్య కోసం కిరాణా కొట్టులో KGF హీరో.. ఇది యష్ అంటే!
చివర్లో శంకర్ అంటూ.. అఘోరగా విశ్వక్ ఇవన్నీ దాటుకొని నా వల్ల అవుతుందా అని ప్రశ్నిస్తాడు. మొత్తంగా.. ఈ టీజర్ బట్టి చూస్తే హిమాలయాల్లో ఓ అఘోర జర్నీ ఎలా సాగిందనేదే మెయిన్ కథగా అనిపిస్తోంది. టీజర్ బ్యాక్‌ గ్రౌండ్‌ స్కోర్‌ కూడా బాగుంది. ఈ నెల 29న గామి ట్రైలర్ రిలీజ్ చేయనున్నారు. ట్రైలర్ చూసిన తర్వాత గామి కథ పై మరింత క్లారిటీ వచ్చే ఛాన్స్ ఉంది. ఏదేమైనా.. గామి సినిమాతో మాత్రం విశ్వక్ భారీ హిట్ కొట్టేలానే ఉన్నాడు.
