Yash: వెయ్యి కోట్ల హీరో.. పైగా పాన్ ఇండియా హీరో అంటే మామూలు విషయం కాదు. కేజీయఫ్ చాప్టర్ 2 సినిమాతో ఏకంగా 1200 కోట్లకు పైగా వసూళ్లను రాబట్టి సెన్సేషన్ క్రియేట్ చేశాడు యష్. రాఖీ భాయ్‌గా బాక్సాఫీస్ దగ్గర దుమ్ముదులిపేశాడు. ఈ సినిమాతో పాన్ ఇండియా హీరోగా సెటిల్ అయిపోయాడు యష్. అందుకే.. ఆ ఇమేజ్‌ను కాపాడుకోవడానికి ఎడాపెడా సినిమాలు చేయకుండా.. జాగ్రత్తగా వ్యవహరిస్తున్నాడు.
ఇది కూడా చూడండి: Horoscope Today: నేటి రాశిఫలాలు(2024 February 18th).. విదేశీ ప్రయత్నాలు లాభిస్తాయి
కేజీయఫ్ తర్వాత చాలా సమయం తీసుకున్న యష్.. ఇటీవలె టాక్సిక్ అనే సినిమాను అనౌన్స్ చేశాడు. ఈ సినిమా పై పాన్ ఇండియా లెవల్లో భారీ అంచనాలున్నాయి. ఇంత స్టార్ డమ్ ఉన్న కూడా.. యష్ మాత్రం చాలా సింపుల్‌గా ఉంటాడు. లేటెస్ట్‌గా యష్ సింప్లిసిటీ ఎలాంటిదో ప్రూవ్ చేసేలా ఉన్న ఫోటోలు సోషల్ మీడియాను షేక్ చేస్తున్నాయి. యశ్ తన కుటుంబంతో కలిసి కర్ణాటకలోని భక్తల్‍లో ఓ ఆలయ సందర్శనకు వెళ్లారు. ఆ సమయంలో తన భార్య రాధిక పండిట్‍కు ఐస్ క్యాండీ కొనిచ్చేందుకు రోడ్‍సైడ్ ఓ చిన్న షాప్‍కు వెళ్లారు యష్. ఆమె కూడా అక్కడే కూర్చొని ఐస్ తిన్నారు.
ఇది కూడా చూడండి: Prabhas: ప్రభాస్‌కు ఆ హీరోయిన్ అంటే చాలా ఇష్టం.. కానీ?
ఓ సాధారణ వ్యక్తిలా చిన్న కిరాణ షాప్‍కు వెళ్లి ఐస్ కొనుగోలు చేయడంతో.. యష్ సింప్లిసిటీకి సలాం అంటున్నారు నెటిజన్స్. మా హీరో సింప్లిసిటీ ఇలా ఉంటుందని అంటున్నారు అభిమానులు. అయినా.. ఓ మిడిల్ క్లాస్ లైఫ్ నుంచి ఇండస్ట్రీలో అడుగుపెట్టిన యష్ తండ్రి ఒక బస్సు డ్రైవర్ అనే సంగతి అందరికీ తెలిసిందే. అందుకే.. యష్ ఎంత ఎదిగిన ఒదిగే ఉంటాడనడానికి ఈ ఫోటోలే నిదర్శనం అని చెప్పాలి.
