WhatsApp New feature : ఇటీవల కాలంలో వాట్సాప్ చాలా మంది జీవితాల్లో భాగం అయిపోయింది. అంతగా వాడుకలోకి వచ్చిన ఈ ఇన్‌స్టంట్‌ మెసేజింగ్‌ యాప్‌లో వినియోగదారుల భద్రత కోసం ఎప్పుడూ కొత్త కొత్త ఫీచర్లను అందుబాటులోకి తీసుకుని వస్తూ ఉంటారు. అందులో భాగంగానే మన మొబైల్‌ వాట్సాప్‌లోకి గతంలోనే ఛాట్‌ లాక్‌ ఆప్షన్‌ని తీసుకొచ్చింది. ఫింగర్‌ ప్రింట్‌ యాక్సస్‌ని పెట్టుకోవడం ద్వారా మనకు కావాలనుకున్న ఛాట్స్‌ని ఇతరులు ఎవరూ చూడకుండా చేసుకోవచ్చు. అయితే ప్రస్తుతం ఇది ఫోన్‌లోనే అందుబాటులో ఉంది. ఇప్పుడు ఈ ఆప్షన్‌ లింక్డ్ డివైజ్‌ల్లోనూ వాడుకోవడానికి వీలు కుదరనుందని సంస్థ చెబుతోంది. అంటే మనం మన వాట్సాప్‌ను కంప్యూటర్‌లో, ట్యాబ్లెట్లలో లింక్‌ చేసుకుని వాడుతూ ఉంటాం కదా. అక్కడ కూడా ఈ ఆప్షన్‌ త్వరలోఅనేబుల్‌ అవుతుంది.
చదవండి : యూఏఈలో అతి పెద్ద హిందూ దేవాలయానికి ప్రారంభోత్సవం చేస్తున్న మోదీ
ఈ కొత్త ఆప్షన్‌తో మన వాట్సాప్(WhatsApp) ఛాట్లు మరింత భద్రంగా మారనున్నాయి. అవసరం అయిన వారు ప్రైవసీ కోసం ఈ ఆప్షన్‌ని లింక్డ్ డివైజ్‌ల్లోనూ వాడుకోవడానికి వీలవుతుంది. దీనికి సంబంధించిన బీటా వెర్షన్‌ను వాట్సాప్ ప్రయోగాత్మకంగా పరిశీలిస్తూ ఉంది. ఈ అప్‌డేట్‌కు సంబంధించిన స్క్రీన్‌ షాట్‌ని వాట్సాప్ బీటా ఇన్ఫో లేటెస్ట్ రిపోర్టు వెల్లడించింది.
చదవండి : జాతీయ చలనచిత్ర అవార్డులలో ఇందిరాగాంధీ పేరు తొలగింపు
ఆండ్రాయిడ్ వాట్సాప్ బీటా వెర్షన్ 2.24.4.14లో ఈ ఫీచర్ మొదట కనిపించిందని వాట్సాప్ బీటా ఇన్ఫో తెలిపింది. దీన్ని ఇంకా ప్రయోగాత్మకంగా టెస్ట్‌ చేస్తూ ఉన్నామని రానున్న అప్‌డేట్లలో(Updates) దీన్ని వినియోగదారులకు అందిస్తామని వెల్లడించింది.
