Pension: ఫ్యామిలీ పెన్షన్‌కు సంబంధించి బీజేపీ ప్రభుత్వం కీలక నిర్ణయం తీసుకుంది. మహిళా ఉద్యోగులు కుటుంబ పింఛను కోసం భర్తను కాకుండా, తమ కుమార్తె లేదా కుమారుడిని నామినేట్‌ చేసేందుకు వెసులుబాటు కల్పించింది. ఇప్పటి వరకు అమలైన నిబంధనల ప్రకారం.. ప్రభుత్వోద్యోగి లేదా పింఛనుదారు మరణిస్తే, ఆ వ్యక్తి భార్య లేదా భర్తకు కుటుంబ పింఛను మంజూరు చేసేవారు. ఆ విధంగా పింఛను పొందిన వ్యక్తి కూడా మరణించిన తర్వాత లేదా అనర్హుడైన అనంతరం మాత్రమే ఇతర కుటుంబ సభ్యులకు దానిని పొందే అర్హత లభించేది. అయితే, తాజాగా కేంద్రం ఈ నిబంధనల్లో స్వల్ప మార్పులు చేసింది.
ఇది కూడా చూడండి: Blood Pressure: హైబీపీతో బాధపడుతున్నారా..? ఈ ఫుడ్స్ తీసుకోండి
పింఛనును పొందిన వ్యక్తి కూడా మరణించిన తర్వాత లేదా అనర్హుడైన అనంతరం మాత్రమే ఇతర కుటుంబ సభ్యులకు దానిని పొందే అర్హత లభించేది. కేంద్ర మంత్రి జితేంద్ర సింగ్‌ మాట్లాడుతూ, సెంట్రల్‌ సివిల్‌ సర్వీసెస్‌ (పెన్షన్) రూల్స్‌, 2021కు సవరణలు జరిగాయని చెప్పారు. మహిళా ప్రభుత్వోద్యోగి మరణిస్తే, ఆమె భర్తకు కాకుండా, అర్హత గల ఆమె బిడ్డ లేదా పిల్లలకు కుటుంబ పింఛను మంజూరు చేయడానికి అనుమతిస్తున్నట్లు తెలిపారు.
ఇది కూడా చూడండి: Maldives: మాల్దీవులు అధ్యక్షుడిపై అభిశంసన తీర్మానం.. ప్రవేశపెట్టే యోచనలో ప్రతిపక్షాలు
