Eagle: ఈసారి సంక్రాంతికి గుంటూరు కారంతో మహేష్ బాబు, సైంధవ్‌తో వెంకటేష్, నా సామీ రంగాతో నాగార్జున, ఈగల్‌తో రవితేజ, పోటీపడుతుండగా.. ఈ నలుగురు హీరోలతో కుర్ర హీరో తేజ సజ్జా హనుమాన్ సినిమాతో పోటీ పడుతున్నాడు. ప్రస్తుతం ఈ ఐదు సినిమాల మేకర్స్ థియేటర్లు సెట్ చేసుకోవడంలో బిజీగా ఉన్నారు. అయితే.. థియేటర్ల సమస్య వల్ల జనవరి 13 నుంచి ఈగల్ వెనకడుగు వేసే ఛాన్స్ ఉందని సోషల్ మీడియాలో ప్రచారం జరుగుతోంది. కానీ అందులో ఎలాంటి నిజం లేదని చెబుతున్నారు మేకర్స్.
ఇది కూడా చూడండి: Guntur Karam కోసం పవన్ వస్తున్నాడా?
లేటెస్ట్‌గా ఈగల్ సెన్సార్ కార్యక్రమాలు కూడా పూర్తి చేసుకుంది. ఈ సినిమాకు సెన్సార్ బోర్డ్ యూ/ఏ సర్టిఫికేట్ ఇచ్చారని, అది కూడా ఎలాంటి కట్స్ లేకుండా ఇచ్చినట్లు మేకర్స్ తెలిపారు. అయినా కూడా ఈగల్ పోస్ట్ పోన్ అయ్యే ఛాన్స్ ఉందని తెలుస్తోంది. ఈగల్ థియేటర్స్ సైంధవ్ మూవీకి కేటాయిస్తున్నట్టుగా సమాచారం. దీంతో సంక్రాంతికి ఈగల్ వస్తుందా? లేదా? అనేది డైలమాలో పడిపోయింది. రేపో మాపో ఈగల్ వాయిదా పై అఫిషీయల్ కన్ఫర్మేషన్ బయటికొచ్చే ఛాన్స్ ఉందంటున్నారు. ఒకవేళ ఈగల్ పోస్ట్‌పోన్ అయితే.. రిపబ్లిక్ డే సందర్భంగా రిలీజ్ కానుందని అంటున్నారు.
ఇది కూడా చూడండి: Donald Trump: సుప్రీంకోర్టును కోరిన ట్రంప్.. ఎందుకంటే?
ఇక కార్తీక్ ఘట్టమనేని దర్శకత్వంలో తెరకెక్కిన ‘ఈగల్’ సెన్సార్ టాక్ కూడా బాగుందని తెలుస్తోంది. ఈ మూవీ చూసిన సెన్సార్ వాళ్లు చిత్ర యూనిట్‌ను మెచ్చుకున్నట్టు సమాచారం. ఇప్పటికే విడుదలైన ట్రైలర్‌లో ఊర మాస్ లుక్‌లో గడ్డంతో మస్త్ ఉన్నాడు రవితేజ. ఈ సినిమాలో మాస్ రాజా సరసన అనుపమ పరమేశ్వరన్, కావ్య థాపర్ హీరోయిన్లుగా నటిస్తున్నారు. మరి ఈగల్‌తో మాస్ మహారాజా ఎలాంటి హిట్ అందుకుంటాడో చూడాలి.
ఇది కూడా చూడండి: CM Jagan: రెండేళ్ల తరువాత లోటస్‌పాండ్‌కు సీఎం జగన్
