Devil: నందమూరి కళ్యాణ్ రామ్ హీరోగా సంయుక్తా మీనన్ హీరోయిన్‌గా నటించి.. అభిషేక్ నామా తన అభిషేక్ పిక్చర్స్ సంస్థ పై గ్రాండ్ లెవెల్లో నిర్మించి, దర్శకత్వం వహించిన సినిమా డెవిల్. ది బ్రిటిష్ సీక్రెట్ ఏజెంట్ అనే ట్యాగ్ లైన్‌తో థ్రిల్లింగ్ యాక్షన్ ఎంటర్టైనర్‌గా ఈ సినిమా రూపొందింది. దీంతో మొదటి రోజు నుంచే ఈ సినిమా మంచి టాక్ సొంతం చేసుకుంది. ఈ సినిమాలో బ్రిటిష్ సీక్రెట్ సర్వీస్ ఏజెంట్ డెవిల్‌గా అదరగొట్టాడు కళ్యాణ్ రామ్. ముఖ్యంగా యాక్షన్ సీక్వెన్స్‌తో దుమ్ములేపాడు. అయితే.. మూడు రోజుల వీకెండ్‌తో పాటు జనవరి 1న హాలీడే ఉన్నా కూడా.. వసూళ్లపరంగా ఆశించిన స్థాయిలో సత్తా చాటలేకపోయింది డెవిల్.
ఇది కూడా చూడండి: Trivikram: త్రివిక్రమ్ కొత్త సినిమాపై రూమర్స్..?
కానీ డే 1 కన్నా డే 2, డే 3, డే 4 డెవిల్ కలెక్షన్స్ ఎక్కువగా ఉన్నాయి. ప్రపంచ వ్యాప్తంగా 20 కోట్లకు పైగా ప్రీ రిలీజ్ బిజినెస్ జరుపుకొని.. 21 కోట్ల బ్రేక్ ఈవెన్ టార్గెట్‌తో డెవిల్ థియేటర్లోకి వచ్చింది. అంటే, 40 కోట్లకు పైగా గ్రాస్ రాబడితే డెవిల్ హిట్ అయినట్టే. ఇప్పటి వరకు మొత్తంగా నాలుగు రోజుల్లో 22.59 కోట్ల గ్రాస్‌ని రాబట్టినట్టుగా ప్రకటించారు డెవిల్ మేకర్స్. మరో 19,20 కోట్ల గ్రాస్ కలెక్ట్ చేస్తే డెవిల్ సినిమా బ్రేక్ ఈవెన్ టార్గెట్ రీచ్ అయినట్టే. సంక్రాంతి సీజన్ వరకు సలార్ తప్పా పెద్దగా సినిమాలు లేవు కాబట్టి.. డెవిల్ బ్రేక్ ఈవెన్ మార్క్ రీచ్ అవుతుందని అంటున్నారు.
ఇది కూడా చూడండి: Supreme Court: ట్రాన్స్ జెండర్ టీచర్ ను పంపించిన స్కూల్ యాజమాన్యం.. ప్రభుత్వానికి నోటీసులు
ఇక.. డెవిల్ మూవీ విషయంలో నిర్మాతకు, దర్శకుడికి గొడవ అయిన సంగతి తెలిసిందే. ఈ సినిమా స్టార్ట్ అయినప్పుడు నవీన్ మేడారం దర్శకుడి అనౌన్స్ చేశారు. కానీ మధ్యలో అభిషేక్ నామా పేరు దర్శకుడిగా మారిపోయాడు. ఫైనల్‌గా డెవిల్ మంచి రిజల్టే ఇస్తోంది. అన్నట్టు.. డెవిల్ సినిమాకు సీక్వెల్ కూడా అనౌన్స్ చేశాడు కళ్యాణ్ రామ్.
ఇది కూడా చూడండి: Teja Sajja: సూపర్ స్టార్‌తో పోటీ ఏంటీ సర్? హనుమాన్ హీరో ట్వీట్ వైరల్
