Kalyan Ram: 4 crore loss for Kalyan Ram movie? What actually happened?
kalyan Ram: బింబిసారతో కెరీర్ బెస్ట్ హిట్ కొట్టిన కళ్యాణ్ రామ్.. చివరగా ‘డెవిల్’గా ఆడియెన్స్ ముందుకొచ్చాడు. అభిషేక్ నామా నిర్మించి, దర్శకత్వం వహించిన ఈ సినిమా పర్వాలేదనిపించింది. దీంతో.. డెవిల్ 2 కూడా ఉంటుందని అనౌన్స్ చేశాడు కళ్యాణ్ రామ్. అయితే.. ఇప్పటికే బింబిసార 2 కూడా అనౌన్స్ చేశాడు కళ్యాణ్. వచ్చే ఏడాదిలో ఈ సీక్వెల్స్ సెట్స్ పైకి వెళ్లనున్నాయి. ప్రస్తుతానికైతే NKR21 వర్కింగ్ టైటిల్‌తో మరో కొత్త దర్శకుడిని ఇండస్ట్రీకి పరిచయం చేస్తూ ఓ సినిమా చేస్తున్నాడు కళ్యాణ్ రామ్. ఈ చిత్రానికి ప్రదీప్ చిలుకూరి దర్శకత్వం వహిస్తున్నాడు.
ఇది కూడా చూడండి: Kavitha: కవిత బెయిల్ విచారణ వాయిదా
గత ఏడాదే మొదలైన ఈ సినిమాలో.. సాయి మంజ్రేకర్ హీరోయిన్‌గా నటిస్తుండగా.. విజయశాంతి కీలక పాత్రలో నటిస్తోంది. భారీ బడ్జెట్, హై టెక్నికల్ వాల్యూస్‌తో ఈ చిత్రం రూపొందుతోంది. అయితే.. ఈ సినిమా షూటింగ్‌లో జరిగిన ప్రమాదానికి సంబంధించిన విషయం ఒకటి కాస్త ఆలస్యంగా వెలుగులోకి వచ్చింది. ఒక సిబిఐ ఆఫీస్‌కు సంబంధించిన భారీ సెట్‌లో అగ్ని ప్రమాదం జరిగినట్టుగా తెలుస్తోంది.
ఇది కూడా చూడండి: Chiranjeevi: సోషల్ మీడియా షేక్ చేస్తున్న చిరు, చరణ్‌!
పది రోజుల పాటు ఇక్కడే షూటింగ్ ప్లాన్ చేసిన మేకర్స్.. 9 రోజుల షూటింగ్ పూర్తి చేశారట. అయితే.. కానీ 9వ రోజు షూటింగ్ పూర్తి చేసుకున్న తర్వాత ఈ ప్రమాదం జరిగి సెట్ మొత్త కాలిపోయినట్టుగా తెలుస్తోంది. రాత్రి ఎనిమిది గంటల సమయంలో అగ్నిప్రమాదం జరిగిందని అంటున్నారు. అయితే.. ఈ ప్రమాదంలో ఎవరికి గాయాలు కాలేదు కానీ, మేకర్స్‌కు మాత్రం దాదాపు నాలుగు కోట్ల రూపాయల వరకు నష్టం వాటిల్లినట్టుగా తెలుస్తోంది. అయితే.. చిత్ర యూనిట్ నుంచి ఈ విషయంలో క్లారిటీ రావాల్సి ఉంది.
