Another Nandamuri successor is ready.. Jr. as the hero. NTR's son?
NTR: ప్రస్తుతం ఉన్న స్టార్ హీరోల్లో వారసులే ఎక్కువగా ఉన్నారు. నెక్స్ట్ కూడా చాలామంది స్టార్ హీరోల వారసులు హీరోగా లాంచ్ అవడానికి రెడీ అవుతున్నారు. ముఖ్యంగా.. నందమూరి అభిమానులు మోక్షజ్ఞ ఎంట్రీ కోసం చాలా కాలంగా వెయిట్ చేస్తునే ఉన్నారు. అదిగో, ఇదిగో అనడమే తప్ప.. మోక్షజ్ఙ ఎంట్రీ గురించి ఊరిస్తునే ఉన్నారు. బాలయ్య కూడా అడిగిన ప్రతి సారి ఈ ఏడాది, వచ్చే ఏడాది అంటూ చెబుతు వస్తున్నారు. కానీ ఇప్పుడు మాత్రం మరో నందమూరి వారసుడు హీరోగా ఎంట్రీ ఇవ్వడానికి రెడీ అవుతున్నట్టుగా తెలుస్తోంది. నందమూరి హరికృష్ణ కుమారుల్లో దివంగత నందమూరి జానకిరామ్.. కళ్యాణ్ రామ్, ఎన్టీఆర్ కంటే పెద్ద. ఇప్పుడు జానకీ రామ్ కొడుకు హీరోగా లాంచ్ అవడానికి రెడీ అవుతున్నట్టుగా తెలుస్తోంది.
చదవండి:Family Star: ఫ్యామిలీ స్టార్.. అన్నీ కాపినేనా?
అయితే.. అతని పేరు కూడా నందమూరి తారక రామారావునే. ఈయన కళ్యాణ్ రామ్, జూనియర్‌ ఎన్టీఆర్‌కు అన్న కొడుకు అవుతాడు. ఇప్పటికే ఈ కుర్రాడు అతనొక్కడే, ఎన్టీఆర్ కథానాయకుడు సినిమాలో కూడా నటించాడు. ఇప్పుడు అతన్ని హీరోగా లాంచ్ చేస్తూ.. ఫేడవుట్ డైరెక్టర్ వైవీఎస్ చౌదరి రీ ఎంట్రీకి సిద్దమవుతున్నాడట. చివరగా సాయి ధరమ్ తేజ్ హీరోగా 2015వ సంవత్సరంలో ‘రేయ్’ అనే సినిమా చేశాడు వైవిఎస్. కానీ ఆ సినిమా డిజాస్టర్‌గా నిలిచింది. అప్పటి నుంచి సినిమాలకు దూరమైన వైవిఎస్.. ఇప్పుడు ఒక యూత్ ఫుల్ లవ్ స్టోరీ చేయడానికి రెడీ అవుతున్నాడట. ఇప్పటికే ప్రీ ప్రొడక్షన్ పనులు మొదలుపెట్టినట్లు కూడా తెలుస్తోంది. అంతేకాదు.. ఈ సినిమాకి కీరవాణి సంగీతం అందించబోతున్నారని టాక్. మరి ఇందులో నిజమెంతో చూడాలి.
చదవండి:Ram Charan: రామ్ చరణ్, సుకుమార్ బిగ్ అనౌన్స్.. ఈసారి మామూలుగా ఉండదు!
