Nandamuri family members pay tribute at NTR Ghat
NTR Ghat: టీడీపీ వ్యవస్థాపకులు, దివంగత ముఖ్యమంత్రి విశ్వవిఖ్యాత నటసార్వభౌమ నటరత్న నందమూరి తారక రామారావు(ఎన్టీఆర్) 28వ వర్థంతి సందర్భంగా ఆయన కుటుంబసభ్యులు నివాళ్లు అర్పించారు. నందమూరి ఫ్యామిలీతో పాటు రెండు తెలుగు రాష్ట్రాల అభిమానులు, టీడీపీ శ్రేణులు ఎన్టీఆర్ ఘాట్‌కు తరలివచ్చారు. అంతే కాకుండా ఆయన వర్దంతిని పురస్కరించుకొని పలు సేవా కార్యక్రమాలను నిర్వహిస్తున్నారు. ప్రపంచ నలుమూలలో ఉన్న ఎన్టీఆర్ అభిమానులు సోషల్ మీడియా వేదికగా నివాళ్లు అర్పిస్తున్నారు.
చదవండి:Odissa : జగన్నాథ్ హెరిటేజ్ కారిడార్‌ను ప్రారంభించిన సీఎం పట్నాయక్
మరోవైపు హైదరాబాద్ లోని ఎన్టీఆర్ ఘాట్‌ను పూలతో సుందరంగా ముస్తాబు చేశారు. ఆయన కుటుంబ సభ్యులు నారా భువనేశ్వరి, బాలకృష్ణ, నందమూరి రామకృష్ణ, సుహాసిని తదితరులు ఘాట్ వద్ద నివాళి అర్పించారు. వీరి కన్నా ముందే ఉదయమే జూనియర్ ఎన్టీఆర్, కల్యాణ్ రామ్ ఘాట్ వద్దకు చేరి నివాళి అర్పించారు. జూ. ఎన్టీఆర్ అభిమానులు పెద్ద ఎత్తున హాజరు అయ్యారు. దీనికి సంబంధించిన ఫొటోలు సోషల్ మీడియాలో వైరల్ అవుతున్నాయి. ఇక్కడికి పెద్ద ఎత్తున నందమూరి అభిమానులు కూడా చేరుకోవడంతో ఎన్టీఆర్ పార్క్ అవరణంతో పాటు, ట్యాంక్ బండ్, నక్లెస్‌రోడ్ కోలాహాలంగా మారింది.
చదవండి:IND vs AFG: రింకు సింగ్‌ ఆటపై స్పందించిన రోహిత్
