Kalyan Ram: హిట్ ఫ్లాప్‌తో సంబంధం లేకుండా వరుస సినిమాలతో దూసుకుపోతున్నాడు నందమూరి కళ్యాణ్ రామ్. బింబిసారతో కెరీర్ బెస్ట్ హిట్ కొట్టిన కళ్యాణ్.. ఈ వారం ‘డెవిల్’గా ఆడియెన్స్ ముందుకొచ్చాడు. అభిషేక్ నామా నిర్మించి, దర్శకత్వం వహించిన ఈ సినిమా మంచి టాక్ సొంతం చేసుకుంది. ఈ సినిమాలో బ్రిటిష్ సీక్రెట్ సర్వీస్ ఏజెంట్ డెవిల్‌గా అదరగొట్టాడు కళ్యాణ్ రామ్. ముఖ్యంగా యాక్షన్ సీక్వెన్స్‌తో దుమ్ములేపాడని అంటున్నారు. దీంతో.. బింబిసార తర్వాత కళ్యాణ్ రామ్, సంయుక్త మీనన్‌కు మరో హిట్ పడిపోయింది.
ఇది కూడా చూడండి: Sandeep Lamichhane: అత్యాచారం కేసులో దోషిగా తేలిన క్రికెటర్.. ఏన్నేళ్లు జైలు శిక్షంటే?
ఇక సినిమా హిట్ అవ్వడంతో చిత్ర బృందం సక్సెస్ సెలబ్రేషన్స్‌ చేసుకుంటున్నారు. ఇక సెలబ్రేషన్స్‌లో భాగంగా.. డెవిల్ 2 కూడా ఉంటుందని అనౌన్స్ చేశాడు కళ్యాణ్ రామ్. ‘డెవిల్ 2 ఉంటుంది. నా టీమ్ మెంబర్స్‌తోనే ఉంటుంది. 2024లో డెవిల్ 2 మొదలుపెట్టి 2025లో రిలీజ్ చేస్తాం. డెవిల్2 లో 1940 ఎరా.. 2000 ఎరా కూడా కనిపిస్తుంది. ఈ రెండు కాలాలు కలిపి చూడబోతున్నారు..’ అని చెప్పుకొచ్చాడు. అయితే.. ఇప్పటికే బింబిసార 2 కూడా అనౌన్స్ చేశాడు కళ్యాణ్ రామ్. కానీ ఈ సినిమా తర్వాత రెండు సినిమాలొచ్చాయి.
ఇది కూడా చూడండి: Governor Tamilisai: రాజీనామాపై వస్తున్న వార్తలు అవాస్తవం
అమిగోస్ ఫ్లాప్ అవగా.. డెవిల్ ఓకె అనిపించుకుంది. ఇక ఇప్పుడు డెవిల్ 2 అనౌన్స్ చేశాడు. కానీ డెవిల్ ట్రైలర్ లాంచ్‌లో.. వచ్చే ఏడాది ఏప్రిల్ లేదా మే నెలలో బింబిసార 2 షూటింగ్ మొదలయ్యే అవకాశం ఉన్నట్లు వెల్లడించాడు. దీంతో.. ఈ రెండు సీక్వెల్స్‌లలో ఏది ఫస్ట్ సెట్స్ పైకి వెళ్తుంది? అనేది ఆసక్తికరంగా మారింది. ప్రస్తుతానికైతే NKR21 వర్కింగ్ టైటిల్‌తో మరో కొత్త దర్శకుడిని ఇండస్ట్రీకి పరిచయం చేస్తూ ఓ సినిమా చేస్తున్నాడు కళ్యాణ్ రామ్. మరి ఆ తర్వాత బింబిసార 2 చేస్తాడా? డెవిల్ 2 తీస్తాడా? అనేది చూడాలి.
ఇది కూడా చూడండి: Nagarjuna: సీఎం రేవంత్ రెడ్డిని కలిసిన అమల-నాగార్జున.. వీడియో వైరల్
