PM Modi : ప్రధాని నరేంద్ర మోడీ శనివారం అయోధ్య పర్యటన సందర్భంగా అయోధ్య ధామ్ రైల్వే స్టేషన్, విమానాశ్రయం తదితరాలను ప్రారంభించారు. రెండు అమృత్ భారత్, ఆరు కొత్త వందే భారత్ రైళ్లను కూడా ఆయన జెండా ఊపి ప్రారంభించారు. ఇంతలో మోడీ అకస్మాత్తుగా దళిత మహిళ ఇంటికి చేరుకున్నారు. తేదీ బజార్‌లోని ఉజ్వల పథకం లబ్ధిదారు మీరా మాంఝీ ఇంట్లో కొద్దిసేపు బస చేసి, ఆమె కుటుంబంలో ఉన్న పిల్లలతో, ఇతరులతో మాట్లాడారు. విశేషమేమిటంటే మీరా మాంఝీ కూడా ప్రధాని మోడీకి టీ అందించింది. ప్రధాని మోడీ అకస్మాత్తుగా తన ఇంటికి రావడంతో ఆశ్చర్యపోయి.. దేవుడు నా ఇంటికి వచ్చాడు అని చెప్పింది. ప్రధాని రాకతో మీరా చాలా సంతోషంగా కనిపించింది.
చదవండి:Kalki: 93 రోజుల్లో ‘కల్కి’ ట్రైలర్.. ఫూల్స్ చేస్తున్నారా?
#WATCH | Ujjwala Yojana beneficiary Meera expresses her happiness on meeting PM Modi.
PM Modi had tea at Meera's house, during his Ayodhya tour today. https://t.co/JsgzsOhHZX pic.twitter.com/RUJwRr6Ojz
— ANI (@ANI) December 30, 2023
మీరా మాంఝీ మోడీ ప్రభుత్వ ఉజ్వల పథకం పది కోట్ల మంది లబ్ధిదారుల్లో ఒకరు.. ప్రధాని మోదీ తన ఇంటికి వస్తారని మీరాకు చెప్పలేదు. గంట ముందు తన ఇంటికి ఎవరో పెద్ద నాయకులు వస్తారని చెప్పారు. దీని తర్వాత, ప్రధాని మోడీ స్వయంగా మీరా ఇంటికి చేరుకున్నప్పుడు, మొత్తం కుటుంబం, సమీపంలోని ఇళ్ల ప్రజల ఆనందానికి అవధులు లేవు. మీరేం చేశారని ప్రధాని మోడీ స్వయంగా అడిగారని మీరా చెప్పారు. దీనిపై మీరా బదులిస్తూ తాను టీ చేశానని, అప్పుడు ప్రధాని మోడీ దయచేసి నాకు టీ ఇవ్వండి అని అడిగారు. టీ తాగుతూ ప్రధాని టీ తియ్యగా ఉందన్నారు. అలాగే ప్రభుత్వ పథకాల ప్రయోజనాల గురించి మీరా మాంఝీని ప్రధాని అడిగి తెలుసుకున్నారు. మీరా ఇంట్లో ప్రధాని ఉన్నప్పుడు, అక్కడ పిల్లలు పెద్ద సంఖ్యలో గుమిగూడారు. అందరూ ఆయనతో ఫోటోలు, ఆటో గ్రాఫ్ తీసుకున్నారు. ప్రధాని మోడీ రాకతో మీరా చాలా సంతోషంగా కనిపించారు. విలేకరులతో మాట్లాడుతూ దేవుడే నా ఇంటికి వచ్చాడన్నారు. ప్రధాని మోడీ వచ్చి మా పిల్లలతో మాట్లాడారని చెప్పారు.
చదవండి:KBC 15: కన్నీళ్లతో తన అభిమానులకు గుడ్ బై చెప్పిన అమితాబ్ బచ్చన్
