Kalki: పాన్ ఇండియా స్టార్ ప్రభాస్, బాలీవుడ్ బ్యూటీ దీపికా పదుకొనే జంటగా సైన్స్ ఫిక్షన్‌ జానర్‌లో తెరకెక్కుతున్న చిత్రం కల్కి 2898AD. ఈ చిత్రానికి నాగ్ అశ్విన్ దర్శకత్వం వహిస్తుండగా వైజయంతీ మూవీస్ ఎంత ప్రతిష్టాత్మకంగా నిర్మిస్తుంది. అమితాబ్ బచ్చన్, దిశా పటానీ కీలక పాత్రల్లో నటిస్తున్నారు. యూనివర్సల్ స్టార్ కమల్ హాసన్ విలన్‌గా నటిస్తున్నాడు. ఇప్పటికే ఈ సినిమా నుంచి టైటిల్‌, గ్లింప్స్ రిలీజ్ అవగా.. అంచనాలు భారీగా పెరిగిపోయాయి. నాగ్ అశ్విన్ ఇచ్చే అప్టేట్స్ తప్పితే.. ఎటువంటి లీక్స్ లేకుండా ఈ చిత్రాన్ని ఎంతో జాగ్రత్తగా తెరకెక్కిస్తున్నారు. అయితే.. తాజాగా ఐఐటీ బాంబే TECH FEST 23కు నాగ్ అశ్విన్ గెస్ట్‌గా విచ్చేసిన విషయం తెల్సిందే. ఈ మీట్‌లో నాగ్ అశ్విన్ కల్కి గురించి ఎన్నో ఆసక్తికరమైన విషయాలను పంచుకున్నాడు. ఈ క్రమంలో కల్కి ట్రైలర్ గురించి చెప్పుకొచ్చాడు.
ఇది కూడా చూడండి: Hanuman: ‘హనుమాన్’ సెన్సార్ టాక్?
కల్కి ట్రైలర్ ఎప్పుడు వస్తుంది అని అడగ్గా.. మరో 93 రోజుల తరువాత అని చెప్పుకొచ్చాడు. ఈ లెక్కన చూస్తే.. ఏప్రిల్ 1న కల్కి ట్రైలర్ రిలీజ్ బయటికి రానుంది. కానీ ఏప్రిల్ 1 అంటే.. అది ఫూల్స్ డే. దీంతో.. ఆ రోజు ట్రైలర్ రిలీజ్ అని హైప్ ఇచ్చి.. ఏప్రిల్ ఫూల్స్ చేయరు కదా? అని అభిమానులు కామెంట్స్ పెడుతున్నారు. కానీ నాగ్ అశ్విన్ ఖచ్చితమైన లెక్కతో చెప్పాడు కాబట్టి.. ఏప్రిల్‌లో కల్కి ట్రైలర్ ఉండొచ్చు. ఎందుకంటే.. సమ్మర్‌లో సినిమా రిలీజ్ అంటున్నారు కాబట్టి.. నాగీ చెప్పినట్టుగా మరో 93 రోజుల్లో కల్కి ట్రైలర్ రావడం పక్కా. త్వరలోనే రిలీజ్ డేట్‌ అనౌన్స్ చేయనున్నారు. మరి ఈ మధ్యలో ఇంకేమైనా అప్టేట్స్ ఉంటాయేమో చూడాలి.
ఇది కూడా చూడండి: Suspicious death: అమెరికాలో భారత సంతతి సంపన్న కుంటుంబం అనుమానాస్పద మృతి
