National Sports Awards 2023: ఈ ఏడాది అత్యుత్తమ ప్రదర్శన చేసిన ఆటగాళ్లకు కేంద్ర ప్రభుత్వం జాతీయ క్రీడా అవార్డులతో గౌరవించింది. యువజన వ్యవహారాలు, క్రీడల మంత్రిత్వ శాఖ బుధవారం ద్రోణాచార్య, ఖేల్ రత్న, అర్జున అవార్డు విజేతలను ప్రకటించింది. మొత్తం 26 మంది క్రీడాకారులను అర్జున అవార్డులకు ఎంపిక చేసింది. అలాగే అయిదుగురు అత్యుత్తమ కోచ్‌లకు ద్రోణాచార్య అవార్డులకు ఎంపిక చేసింది. అందులో టీమిండియా ఫాస్ట్ బౌలర్ మహ్మద్ షమీ అర్జున అవార్డుకు ఎంపికయ్యారు. వరల్డ్ కప్‌లో టీమిండియా తరుఫున అద్భుత ప్రదర్శన చేయడంతో షమీకి అర్జున అవార్డు వరించింది. ప్రతిష్టాత్మక మేజర్ ధ్యాన్‌ చంద్ ఖేల్రత్న అవార్డుకు బ్యాడ్మింటన్ జంట చిరాగ్ శెట్టి-సాత్విక్ సాయిరాజ్ రంకిరెడ్డి ఎంపికయ్యారు. ఈ అవార్డులను జనవరి 9న ఢిల్లీలో రాష్ట్రపతి ద్రౌపది ముర్ము చేతుల మీదుగా అందుకోకున్నారు.
ఇది కూడా చూడండి: Ayodhya Ram Mandir: అయోధ్య రాముడి కోసం సిద్ధమవుతున్న 108 అడుగుల అగరబత్తీ!
అర్జున్ అవార్డులు: మహమ్మద్ షమీ (క్రికెట్), మహమ్మద్ హుసాముద్దీన్ (బాక్సింగ్), ఓజాస్ ప్రవీణ్ దియోతలే (ఆర్చరీ), అదితి గోపీచంద్ స్వామి (ఆర్చరీ), మురళీ శ్రీశంకర్ (అథ్లెటిక్స్), పారుల్ చౌదరీ (అథ్లెటిక్స్), ఆర్ వైశాలీ (చెస్), అనుష్ అగర్వాల్ (ఈక్వెస్ట్రియన్), దివ్యాకృతి సింగ్ (ఈక్వెస్ట్రియన్ డ్రెసెజ్), దిశా దాగర్ (గోల్ఫ్), కృషణ్ బాదుర్ పాఠక్ (హాకీ), సుశీలా చానూ (హాకీ), పవన్ కుమార్ (కబడ్డీ), రితూ నేగీ (కబడ్డీ), నస్రీన్ (ఖోఖో), పింకీ (లా బౌల్స్), ఐశ్వరీ ప్రతాప్ సింగ్ తోమర్ (షూటింగ్), ఈశా సింగ్ (షూటింగ్), హరీందర్ పాల్ సింగ్ సంధు (స్క్వాష్), ఐహికా ముఖర్జీ (టేబుల్ టెన్నిస్), సునీల్ కుమార్ (రెజ్లింగ్), అంతిమ్ (రెజ్లింగ్), రషిబినా దేవి (వుషు), శీతవ్ దేవీ (పారా అర్చరీ), ఇల్లూరి అజయ్ కుమార్ రెడ్డి (బ్లైండ్ క్రికెట్), ప్రాచీ యాదవ్ (పారా కనోయింగ్) లను అర్జున అవార్డు వరించింది.
మేజర్ ధ్యాన్‍చంద్ ఖేల్రత్న అవార్డు: సాత్విక్ సాయిరాజ్ రాంకీరెడ్డి, చిరాగ్ శెట్టి (బ్యాడ్మింటన్) ఎంపికయ్యారు.
ద్రోణాచార్య అవార్డు దక్కించుకున్న కోచ్‍లు: లలిత్ కుమార్ (రెజ్లింగ్), ఆర్బీ రమేశ్ (చెస్), మహవీర్ ప్రసాద్ సైనీ (పారా అథ్లెటిక్స్), శివేంద్ర సింగ్ (హాకీ), గణేషన్ ప్రభాకర్ (మల్లఖంబ్)కి ఈ అవార్డు వరించింది.
ఇది కూడా చూడండి: TSRTC: మహిళా బస్సు ప్రయాణికులకు ఒరిజినల్ ఐడీ కార్డు ప్రూఫ్ తప్పనిసరి
