Sahara Group: సహారా గ్రూప్ అధినేత సుబ్రతా రాయ్ మరణానంతరం క్యాపిటల్ మార్కెట్ నియంత్రణ సంస్థ సెబీ ఖాతాలో రూ.25,000 కోట్లు పడిపోవడం మళ్లీ చర్చనీయాంశంగా మారింది. సెబీ తరపున సుబ్రతా రాయ్ నుంచి రికవరీ చేసిన డబ్బు ఇదే. గత కొంతకాలంగా అనారోగ్యంతో బాధపడుతున్న రాయ్ మంగళవారం రాత్రి ముంబైలో కన్నుమూశారు. ఆయనకు 75 ఏళ్లు. రాయ్ తన గ్రూప్ కంపెనీలకు సంబంధించి అనేక నియంత్ర, చట్టపరమైన పోరాటాలను ఎదుర్కోవలసి వచ్చింది. వీటిలో పోంజీ స్కీమ్‌లలో నిబంధనలను దాటవేస్తున్నారనే ఆరోపణలు కూడా ఉన్నాయి. అయితే ఈ ఆరోపణలను ఆయన వర్గం ఎప్పుడూ తోసిపుచ్చింది.
2011లో SEBI రెండు సహారా గ్రూప్ కంపెనీలైన సహారా ఇండియా రియల్ ఎస్టేట్ కార్పొరేషన్ లిమిటెడ్ (SIREL), సహారా హౌసింగ్ ఇన్వెస్ట్‌మెంట్ కార్పొరేషన్ లిమిటెడ్ (SHICL), కొన్ని బాండ్ల ద్వారా నిబంధనలను ఉల్లంఘించి నిధులు సమీకరించాయని సెబీ ఉత్తర్వుల్లో పేర్కొంది. సుదీర్ఘ న్యాయ పోరాటం తర్వాత 2012 ఆగస్టు 31న సుప్రీంకోర్టు సెబీ ఆదేశాలను సమర్థించింది. పెట్టుబడిదారుల నుండి సేకరించిన డబ్బును 15 శాతం వడ్డీతో తిరిగి ఇవ్వాలని రెండు కంపెనీలను కోరింది. దీని తర్వాత పెట్టుబడిదారులకు డబ్బును తిరిగి ఇవ్వడానికి SEBI వద్ద అంచనా వేసిన రూ. 24,000 కోట్లు డిపాజిట్ చేయాలని సహారాను కోరింది. అయితే, ఇప్పటికే 95 శాతానికి పైగా పెట్టుబడిదారులకు నేరుగా చెల్లించినట్లు గ్రూప్ చెబుతూనే ఉంది.
చదవండి:Viral Video:ఈ బెల్లీ డ్యాన్స్ మాములుగా లేదు..చూస్తూ ఉండిపోతారు
ఖాతాలో 25 వేల కోట్ల రూపాయలు
సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా 11 సంవత్సరాలలో రెండు సహారా గ్రూప్ కంపెనీల పెట్టుబడిదారులకు రూ.138.07 కోట్లను తిరిగి ఇచ్చింది. తిరిగి చెల్లింపు కోసం ప్రత్యేకంగా తెరిచిన బ్యాంకు ఖాతాల్లో జమ చేసిన మొత్తం రూ.25,000 కోట్లకు పైగా పెరిగింది. రెండు సహారా కంపెనీలకు చెందిన చాలా మంది బాండ్‌హోల్డర్‌లు దీనికి సంబంధించి ఎలాంటి క్లెయిమ్‌లు చేయలేదు. గత ఆర్థిక సంవత్సరంలో 2022-23లో సెబీ-సహారా రీపేమెంట్ ఖాతాలలో బ్యాలెన్స్ రూ. 1,087 కోట్లు పెరిగింది.
ఎంత డబ్బు తిరిగి వచ్చింది?
SEBI మార్చి 31, 2023 వరకు 53,687 ఖాతాలకు సంబంధించి 19,650 దరఖాస్తులను స్వీకరించింది. వీటిలో 48,326 ఖాతాలకు సంబంధించిన 17,526 దరఖాస్తులకు సంబంధించి మొత్తం రూ.138.07 కోట్లు తిరిగి వచ్చాయి. ఇందులో వడ్డీ మొత్తం రూ.67.98 కోట్లు కూడా ఉన్నాయి. సహారా గ్రూప్ సంస్థలు రెండూ అందించిన సమాచారం ద్వారా వాటిని కనుగొనలేకపోవడంతో మిగిలిన దరఖాస్తులను మూసివేశారు. చివరిగా SEBI మార్చి 31, 2022 వరకు 17,526 దరఖాస్తులకు సంబంధించిన మొత్తం రూ. 138 కోట్లుగా పేర్కొంది. మార్చి 31, 2023 వరకు బ్యాంకుల్లో డిపాజిట్ చేసిన మొత్తం దాదాపు రూ.25,163 కోట్లు అని సెబీ తెలిపింది.
చదవండి:CM KCR: హెలికాఫ్టర్‌లో మరోసారి సాంకేతిక లోపం..మూడోసారి ఘటనతో బీఆర్ఎస్ నేతల్లో ఆందోళన
సహారా గ్రూప్‌‌కు చెందన నాలుగు కోఆపరేటివ్ సొసైటీలో స్తంభించిపోయిన రూ.5,000 కోట్ల డిపాజిటర్ల సొమ్మును రిఫండ్ చేసే ప్రక్రియను ఆగస్టులో కేంద్రం స్టార్ట్ చేసింది. దీనికి ముందు, పెట్టుబడిదారుల సొమ్మును తిరిగి రిటర్న్ చేసేందుకు మార్గాన్ని సుగమం చేస్తూ మంత్రి అమిత్‌షా గత జూలైలో ‘సీఆర్ఎస్‌సీ-సహారా రిఫండ్ పోర్టల్’ను ప్రారంభించారు. దీంతో సుమారు 18 లక్షల మంది డిపాజిటర్లు పోర్టల్‌లో తమ పేరు రిజిస్టర్ చేసుకున్నారు. వీరికి రిఫండ్ యథాప్రకారమే జరుగుతుందని, సుబ్రతారాయ్ మరణం కారణంగా ఈ డిపాజిటర్లకు చెల్లింపుపై ఎలాంటి ప్రభావం ఉండదని అధికారులు చెబుతున్నారు.
