కేరళలోని అనంత పద్మనాభ స్వామి ఆలయం మరోసారి వార్తల్లో నిలిచింది. ప్రపంచ వ్యాప్తంగా ఈ దేవాలయాన్ని దర్శించుకునేందుకు అధిక సంఖ్యలో భక్తులు తరలి వస్తుంటారు. ఈ ఆలయంలోనే టన్నుల కొద్ది బంగారం, వజ్రాలు, విగ్రహాలు బయటపడ్డాయి. అప్పట్లో ఈ ఘటన సంచలనం రేకెత్తించింది. అలాగే స్వామి ఆలయం వద్ద ఉన్న సరస్సులో ఓ మొసలి ఉండేది. అది శాకాహారం మాత్రమే తింటుంది. గత కొన్నేళ్లుగా ఉన్న ఆ మొసలి గత ఏడాదే చనిపోయింది. సరిగ్గా ఏడాది తర్వాత ఆ ఆలయంలో మరో మొసలి ప్రత్యక్షం అయ్యింది. దీంతో ఆలయం గురించి మరిన్ని వార్తలు వైరల్ అవుతున్నాయి.
చదవండి: Robot Lakshmi Puja: లక్ష్మీదేవికి పూజలు చేసిన రోబోలు..వీడియో వైరల్
కాసరగోడ్ జిల్లాలో ఉన్న అనంత పద్మనాభ స్వామి అత్యంత ధనిక ఆలయంగా పేరు పొందింది. ఆలయంలోని నేల మాళిగల్లో బంగారం, వజ్రాలు, బంగారు విగ్రహాలను అధికారులు గుర్తించారు. ఈ గుడికి ఉన్న మరో విశిష్టతను అధికారులు గుర్తించారు. ఆలయ సరస్సులో బబియా అనే మొసలి ఉండేది. ఆ మొసలికి భక్తులు పండ్లు, ఫలాహారాలు ఇచ్చేవారు. ఎన్నో ఏళ్లుగా ఉన్న ఆ మొసలి 2022 అక్టోబర్ 9వ తేదిన చనిపోయింది.
చదవండి: Guinness Record: అయోధ్యలో 22 లక్షలకుపైగా దీపాలు వెలిగించి గిన్నిస్ రికార్డు..వీడియో వైరల్
ఏడాది తర్వాత చనిపోయిన బబియా స్థానంలో మరో కొత్త మొసలి ప్రత్యక్షం కావడంతో భక్తులు ఆశ్చర్యం వ్యక్తం చేస్తున్నారు. నవంబర్ 8వ తేదిన సరస్సులో ఓ గుహలో మొసలి ఉన్నట్లుగా భక్తులు గుర్తించారు. ఆలయ ప్రధాన పూజారి పరిశీలించగా అది చిన్న మొసలి అని తెలుసుకున్నారు. ఇలా సరస్సులో మొసలి కనిపించడం మొదటిసారేమీ కాదు. దీనికంటే ముందుగా రెండు మొసళ్లు ఆ సరస్సులోనే ఏళ్ల తరబడి జీవించాయి. మొదటి మొసలిని బ్రిటీష్ వారు కాల్చి చంపేస్తే ఆ తర్వాత కొద్ది రోజులకు మరో మొసలి ప్రత్యక్షం అయ్యింది.
చదవండి: TTD: పెళ్లిచేసుకోబోయే జంటలకు గుడ్‌న్యూస్..అడ్రస్ పంపితే ఆ కానుకలు పంపనున్న టీటీడీ
అలాగే ఆ తర్వాత ఉన్న బబియా మొసలి చనిపోయిన తర్వాత కూడా అలాగే మరో మొసలి ప్రత్యక్షం అయ్యింది. అప్పట్లో బబియా మొసలి అంత్యక్రియలకు వేలాదిగా భక్తులు తరలి వచ్చారు. రాజకీయ నేతలు, సినీ సెలబ్రిటీలు, సామాన్యులు తరలి వచ్చి ఆ మొసలిని పూజించారు. బబియా చనిపోయిన తర్వాత దాని స్థానంలోకి ఇప్పుడు మరో చిన్న మొసలి చేరడం అందరికీ ఆశ్చర్యాన్ని కలిగిస్తోంది.
