టెక్నాలజీ మారుతోంది. సరికొత్తగా రూపాంతరం చెందుతూ నూతన సాంకేతికతను అందిస్తోంది. రోబోల యుగం వచ్చేసింది. ఇప్పుడు చాలా చోట్ల రోబోల వినియోగం పెరుగుతూ వస్తోంది. ఈ నేపథ్యంలో తాజాగా ఓ కంపెనీ తమ ఆఫీసులో రోబోలతో దీపావళి పూజను చేయించింది. దీపావళి పండగ సందర్భంగా అందరూ లక్ష్మీదేవికి పూజలు చేస్తారు. ఇక్కడ కూడా ఓ కంపెనీ తమ ఆఫీసులో రోబోల చేతుల మీదుగా లక్ష్మీదేవికి హారతులు ఇప్పించింది. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
పూజ చేస్తోన్న రోబోల వీడియో:
Delhi based robotics company Orangewood's unique Diwali celebration. pic.twitter.com/eW6vafKOqH
— Indian Tech & Infra (@IndianTechGuide) November 12, 2023
దీపావళి ఎంతో వైభవంగా చేసుకునే పండుగ. చిన్నా పెద్దా తేడా లేకుండా అందరూ ఉత్సాహంగా ఈ వేడుకలను జరుపుకుంటారు. అపార్టుమెంట్ల ముందు, రహదారుల్లో, దుకాణాల వద్ద టపాసులు పేలుస్తూ కేరింతలు కొడుతుంటారు. నరకాసుర వధ కార్యక్రమాన్ని నిర్వహించి ఆనందాన్ని వ్యక్తం చేస్తారు. అలాగే లక్ష్మేదేవికి కూడా అందరూ పూజలు చేస్తారు. ఇదే వాతావరణం పలు కంపెనీలు కూడా చేపడతాయి. ఐటీలోని తమ ఉద్యోగులతో కంపెనీలు దీపావళి వేడుకలను నిర్వహిస్తాయి. అలాగే ఢిల్లీకి చెందిన ఓ రోబోటిక్ కంపెనీ కూడా తమ రోబోలతో దీపావళి వేడుకలను నిర్వహించింది.
చదవండి: Diwali effect : అత్యంత ప్రమాదకర పరిస్థితిలో ఢిల్లీ కాలుష్యం
‘ఇండియన్ టెక్ అండ్ ఇన్‌ఫ్రా’ ఈ వీడియోను షేర్ చేసింది. వీడియోలో ఓ రోబో అమ్మవారికి హారతులు ఇస్తోంది. అలాగే మరో రోబో గంట కొడుతోంది. ఢిల్లీకి చెందిన రోబోటిక్ కంపెనీ ఆరెంజ్ వుడ్ సంస్థ వెరైటీగా ఇలా రోబోలతో పూజ చేయించింది. ఈ వీడియోకు నెటిజన్లు ఫిదా అవుతున్నారు. రోబోలు పూజలు చేస్తుంటే చూడ్డానికి ఎంతో ముచ్చటగా ఉందని ఒకరు కామెంట్ చేస్తే మరికొందరు రోబోలు మనుషులను పాలించే రోజులు వస్తాయేమోనని కామెంట్స్ చేస్తున్నారు.
