Game changer
Game Changer: టాలీవుడ్ మెగా పవర్ స్టార్ రామ్ చరణ్(Ram Charan), సౌత్ ఇండియన్ సెన్సేషనల్ డైరెక్ట‌ర్ శంకర్(Shankar) కాంబినేష‌న్‌లో రానున్న పాన్ ఇండియా చిత్రం ‘గేమ్ ఛేంజర్'(Game changer). దసరా సందర్భంగా ఈ సినిమా నుంచి ఒక పోస్టర్‌ను మూవీ టీమ్ రిలీజ్ చేసింది. కలర్‌ఫుల్‌గా ఉండే ఈ పోస్టర్ ప్రేక్షకులను ఎంతగానో ఆకట్టుకుంది. ఈక్రమంలో సినిమా ఎప్పుడు విడుదల అవుతుందని రామ్‌చరణ్ ఫ్యాన్స్ తెగ ఎదురు చూస్తున్నారు. అయితే దసరా కానుకగా గేమ్ ఛేంజర్ నుంచి పోస్టర్ విడుదల చేస్తూ.. దీపావళి కానుకగా ఈ ‘జరగండి’ అనే పాటను విడుదల చేయనున్నట్లు మూవీ టీమ్ తెలిపింది. రాజకీయ అంశాలతో ఉన్న యాక్షన్ కథాంశంతో రూపొందుతున్న ఈ చిత్రంలో చరణ్ లార్జర్ దేన్ లైఫ్ పాత్రలో కనిపించనున్నారు.
ఇది కూడా చూడండి: Renu Desai : రేణు దేశాయ్ రీ ఎంట్రీ.. రిజల్ట్ ఏంటి..?
సౌత్ ఇండియన్ సినిమా రేంజ్‌ను వేరే లెవ‌ల్‌కి తీసుకెళ్లిన స్టార్ డైరెక్ట‌ర్ శంకర్ మేకింగ్ ఎలా ఉంటుందో అందరికీ తెలిసిందే. ఈ సినిమాపైన భారీగానే అంచనాలు ఉన్నాయి. ఇప్ప‌టి వ‌ర‌కు శంకర్ తెర‌కెక్కించిన సినిమాలన్నీ ఒక ఎత్తు అయితే ‘గేమ్ ఛేంజర్’ ఒక ఎత్తు ఉంటుందని సమాచారం. ప్ర‌స్తుతం ఈ సినిమా షూటింగ్ వేగంగా జరుగుతోంది. ఇక ఈ చిత్రానికి మ్యూజిక్ ఎస్‌.ఎస్‌.త‌మ‌న్(SS Thaman) అందించనున్నారు. కియారా అడ్వాణీ కథానాయికగా నటిస్తున్న ఈ చిత్రంలో అంజ‌లి, సముద్ర‌ఖ‌ని, ఎస్‌.జె.సూర్య(SJ Suryah), శ్రీకాంత్‌, సునీల్‌, న‌వీన్ చంద్ర త‌దిత‌రులు నటిస్తున్నారు. శ్రీ వెంక‌టేశ్వ‌ర సినీ క్రియేష‌న్స్ బ్యాన‌ర్‌లో వస్తున్న ఈ భారీ బడ్జెట్ మూవీని దిల్ రాజు, శిరీష్ నిర్మిస్తున్నారు.
ఇది కూడా చూడండి: Kangana Ranaut : రావణ దహనం చేసిన తొలి మహిళగా కంగనా రనౌత్ రికార్డు
