pawan kalyan comments on ap cm post at mangalagiri
దేశంలో ఇప్పటికే ఐదు రాష్ట్రాల్లో ఎన్నికల షెడ్యూల్ ను కేంద్ర ఎన్నికల సంఘం ఇప్పటికే ప్రకటించింది. ఆయా రాష్ట్రాల్లో ఈ ఏడాది ఎన్నికలు జరగనున్నాయి. ఈ క్రమంలో ఏపీలో వచ్చే ఏడాది ఎలక్షన్ జరగనుందని ఖాయమైంది. ఈ నేపథ్యంలో పలు పార్టీల నేతలు పోటాపోటిగా ప్రచార కార్యక్రమాలు నిర్వహిస్తున్నాయి. ఈ క్రమంలోనే సీఎం పదవి గురించి జనసేన పార్టీ అధినేత పవన్ కల్యాణ్(pawan kalyan) కీలక వ్యాఖ్యలు చేశారు. సీఎం పదవి కంటే తనకు ప్రజల భవిష్యత్తే ముఖ్యమని అన్నారు. అంతేకాదు జనసేన, టీడీపీ కలిసి ప్రభుత్వం ఏర్పాటు చేసేలా ముందుకెళ్తామని పార్టీ శ్రేణులతో చెప్పారు. అందరం కలిసి వైసీపీ పోయేలా పనిచేద్దామని అన్నారు. మంగళగిరి(mangalagiri)లో ఏర్పాటు చేసిన ముఖ్య నేతల సమావేశంలో భాగంగా పవన్ ఈ మేరకు పేర్కొన్నారు.
సీఎం కూర్చి పట్ల ఏనాడు కూడా విముఖత చూపలేదన్నారు. కానీ తమ మొదటి ప్రాధాన్యత మాత్రం ప్రజల భవిష్యత్తేనని స్పష్టం చేశారు. ఈ క్రమంలో గెలుపు ఓటములతో సంబంధం లేకుండా పనిచేయాలన్నారు. ఇప్పటివరకు ఎవరి అండదండ లేకుండానే ఎంతో జనాదరణ సంపాదించుకున్నామని ఈ సందర్భంగా గుర్తు చేశారు. జనసేన పార్టీ(janasena) మొదట 150 మంది సభ్యులతో మొదలైందని…ఇప్పుడు పార్టీలో 6.5 లక్షల మందికిపైగా సభ్యులున్నారని తెలిపారు. ఇలాంటి క్రమంలో పార్టీ పరంగా తీసుకునే ఓ నిర్ణయమైనా తాను ఒక్కడినే తీసుకునేది కాదన్నారు. మన పార్టీకి క్రీయాశీల సభ్యులే కల్లు, చెవులని పేర్కొన్నారు. సభ్యుల అభిప్రాయాలు, సూచనలను పార్టీ స్వీకరిస్తుందన్నారు.
అయితే పవన్ సీఎం సీటు గురించి ఈ వ్యాఖ్యలు చేసిన నేపథ్యంలో మళ్లీ చంద్రబాబు నాయుడినే సీఎం చేస్తారా అంటూ పలువురు నేతలు ప్రశ్నిస్తున్నారు. పవన్ కేవలం టీడీపీకి సపోర్ట్ చేసి ప్యాకేజీ మాత్రమే తీసుకుని పక్కకు తప్పుకుంటారా అని అడుగుతున్నారు. అయితే మరి బీజేపీ(BJP) గతంలో జనసేనతో కలిసి పోటీ చేయగా..ఈసారి ఒంటరిగా పోటీ చేస్తుందా లేదా టీడీపీ(TDP), జనసేన, బీజేపీ కలిసి పోటీ చేస్తాయా అనేది తేలాల్సి ఉంది.
ఇది కూడా చూడండి: Kodali Nani: కొడాలి నాని కాన్వాయ్‌కు ప్రమాదం..దుర్గమ్మ ఆలయం దగ్గర ఘటన
