ఏజెంట్ మూవీ విడుదలై చాలాకాలం అవుతున్నా ఓటీటీ లోకి రాలేదు. కానీ ఎట్టకేలకు దీనికి మోక్షం లభించింది అనుకునేలోపు మళ్లీ చిక్కులు వచ్చి పడ్డాయి. అఖిల్ నటించిన ఈ స్పై యాక్షన్ సినిమా ఏప్రిల్ 28న భారీ అంచనాల నడుమ విడుదలై డిజాస్టర్ టాక్‌కు తెరలేపింది. మొదటి వారాంతంలో కొనుగోలుదారులకు భారీ నష్టాలు రావడంతో ఇది థియేటర్ల నుండి కొట్టుకుపోయింది. మే నెలలో ఈ సినిమా స్ట్రీమింగ్ ప్రారంభం కానుందని సోనీ లివ్ ప్రకటించింది. కానీ అది నిరవధికంగా వాయిదా పడింది.
చదవండి: Chandramukhi 2 Review: చంద్రముఖి2 తెలుగు మూవీ రివ్యూ
ఈ మూవీ విడుదలైన మూడు వారాలకే ప్రముఖ ఓటీటీ సోనీ లివ్‌లో స్ట్రీమింగ్ రానున్నట్టు ప్రకటించినా ఆ తర్వాత వాయిదా వేశారు. తాజాగా ఈ సినిమా ఈ నెల 29న స్ట్రీమింగ్‌కు రానుంది. అయితే ఈ సినిమా ఓటీటీలో స్ట్రీమింగ్ కాకుండా కోర్టు స్టే విధించింది. విశాఖ పట్నానికి చెందిన ప్రముఖ పంపిణీదారుడు బత్తుల సత్యనారాయణ (వైజాగ్ సతీష్) ఈ సినిమా డిస్ట్రిబ్యూషన్ విషయంలో అన్యాయం జరగిందన్నారు.
చదవండి: Ranbir kapoor:ను కిస్ చేసిన అలియా భట్..పిక్ వైరల్
అఖిల్ ఏజెంట్ డిస్ట్రిబ్యూషన్ విషయంలో నిర్మాత అనిల్ సుంకర తనని మోసం చేశారని పేర్కొంటూ న్యాయస్థానాన్ని ఆశ్రయించారు. హైదరాబాద్ సిటీ సివిల్ కోర్టులో ఈ విషయమై దావా వేశారు. ఆయన వాదనలు విన్న తర్వాత ఈ నెల 29న ఏజెంట్ చిత్రం స్ట్రీమింగ్ కాకుండా స్టే ఇచ్చింది. ఈ విషయాన్ని సతీష్ బత్తుల లాయర్ మీడియాకు తెలిపారు.
చదవండి: Skanda Movie Review: స్కంద మూవీ రివ్యూ
ఇక ‘ఏజెంట్’ ఓటీటీ రైట్స్‌ను ప్రముఖ స్ట్రీమింగ్ వేదిక ‘సోనీలివ్‌’ దక్కించుకుంది. థియేట్రికల్‌ రన్‌ పూర్తయిన ఎనిమిది వారాలకు ఈ సినిమా ఓటీటీలో స్ట్రీమింగ్‌కు రానుందని ముందుగా తెలిపారు. ఇక ‘ఏజెంట్’లో అఖిల్ రిక్కీ అలియాస్‌ రామకృష్ణ అనే పాత్రలో నటించాడు. అఖిల్‌కు జంటగా సాక్షి వైద్య నటించింది. బాక్సాఫీస్ దగ్గర ఈ సినిమా తేడా కొట్టడంతో ఈ సినిమా ఓటీటీ రిలీజ్‌ డేట్‌ను ముందుకు జరిపారు. తీరా ఇపుడు నిర్మాతకు డిస్ట్రిబ్యూటర్‌కు గొడవతో ఈ సినిమా ఓటీటీ స్ట్రీమింగ్ పై కోర్టు స్టే విధించింది.
