గత ఏడాది చివర్లో విడుదలైన యానిమల్ సినియమా మంచి కలెక్షన్లతో పాటు ఎన్నో విమర్శలను కూడా ఎదుర్కొంటూ వచ్చింది. అప్పటి నుంచి ఇప్పటి వరకు దీనిపై చర్చలు గరంగరంగా కొనసాగుతున్నాయి. ఈ నేపథ్యంలో ఈ సినిమా ఇంగ్లీష్‌ వెర్షన్‌ గురువారం నుంచి ఓటీటీ స్ట్రీమింగ్‌కి అందుబాటులోకి వచ్చింది. సందీప్ రెడ్జి వంగా దర్శకత్వంలో బాలీవుడ్ హీరో రణ్‍బీర్ కపూర్ ప్రధాన పాత్ర పోషించిన యానిమల్ సినిమా సుమారు రూ.900కోట్లకు పైగా వసూళ్లను దక్కించుకుంది. ఇప్పుడు ఓటీటీలోనూ ఇంగ్లిష్‌ వెర్షన్‌ దూసుకుపోతోంది.
చదవండి : హరి హర వీర మల్లు నుంచి తప్పుకున్న క్రిష్..!
హిందీ, తెలుగు, తమిళం, కన్నడ, మలయాళం భాషల్లో ఈ సినిమా జనవరి 26 నుంచి ఓటీటీ స్ట్రీమింగ్‌కి వచ్చింది. అప్పటి నుంచి వ్యూవర్షిప్ విషయంలో ఈ సినిమా దుమ్ము రేపుతోంది. ఇప్పటికే ఎక్కువ వ్యూవర్షిప్ దక్కించుకున్న ఇండియన్ మూవీగా యానిమల్ ఆల్ టైమ్ రికార్డు సాధించిందని నెట్ఫ్లిక్స్ వెల్లడించింది. యానిమల్ సినిమా ఓటీటీలోకి వచ్చిన వారం రోజుల్లోనే ఈ రికార్డ్ క్రియేట్ చేసింది. ఇది నెట్ఫ్లిక్స్ ఇండియా టాప్ టెన్‌ మూవీస్‌ జాబితాలో మొదటిస్థానంలో కొనసాగుతోంది. ఇప్పుడు ఇంగ్లిష్‍లోనూ రావడంతో గ్లోబల్ రేంజ్‍లోనూ సత్తాచాటే అవకాశం ఉంది.
చదవండి : బెల్లంకొండ గణేష్ తో ఎఫైర్.. స్పందించిన హీరోయిన్ వర్ష
యానిమల్ సినిమా ఇప్పటికే దాదాపు 16 దేశాల్లో నంబర్‌వన్‌ స్థానంలో ట్రెండింగ్‌లో దూసుకుపోతుంది. దీని తర్వాత సలార్ సినిమా ప్రస్తుతం టాప్ 2లో కంటిన్యూ అవుతోంది. భారత దేశ వ్యాప్తంగా కూడా సలార్ సినిమా రెండో స్థానంలో కొనసాగుతోంది. యానిమల్ సినిమా నెట్‌ఫ్లిక్స్‌లో మొదటి మూడు రోజుల్లోనే 62 లక్షల వ్యూస్‌ సొంతం చేసుకుంది. అలాగే 20.8 మిలియన్ల గంటల వ్యూయర్‌షిప్‌ను సొంతం చేసుకుంది. అలాగే సలార్ సినిమా 10 రోజుల్లో 35 లక్షల వ్యూస్‌తో పాటు 10.3 మిలియన్ గంటల వ్యూయర్‌షిప్‌ ను సొంతం చేసుకుంది.
