Delicious dishes at Hyderabad Congress CWC meeting
CWC meeting: హైదరాబాద్(Hyderabad) వేదికగా శనివారం నుంచి రెండు రోజుల పాటు జరిగే కాంగ్రెస్ వర్కింగ్ కమిటీ(సీడబ్ల్యుసీ) సమావేశాలకు సర్వం సిద్ధమైంది. ఈ భేటీకి కాంగ్రెస్ లోని కీలక నేతలంతా హాజరుకానున్నారు. రాజధానిలోని తాజ్ కృష్ణ ఫైవ్ స్టార్ హోటల్లో జరుగుతున్న కాంగ్రెస్ వర్కింగ్ కమిటీ(CWC) సమావేశాల కోసం తెలంగాణ రాష్ట్ర నాయకత్వం భారీ ఏర్పాట్లు చేసింది. ఈ సమావేశానికి అన్ని రాష్ట్రాల కాంగ్రెస్(Congress) నేతలు హాజరు అవుతుండడంతో వారికోసం ప్రత్యేక ఏర్పాట్లతో పాటు స్పెషల్ వంటకాలను సిద్ధం చేయించారు. వివిధ ప్రాంతాలలో ప్రసిద్ది చెందిన వంటకాలను వండడానికి నిపుణులను రప్పించి మరీ ఏర్పాట్లు చేశారు. అతిథులకు తెలంగాణ వంటకాలను రుచి చూపించడంతో పాటు హైదరాబాద్ దమ్ బిర్యానీని ప్రత్యేకంగా వడ్డించనున్నారు. దీంతో పాటు తెలంగాణ స్పెషల్స్ సర్వపిండి, జొన్న సంగటి, సకినాలు, గారెలు, మటన్ కర్రీ, చింత చిగురు మటన్ లతో పాటు మొత్తం 78 రకాల వంటకాలను సిద్ధం చేయించినట్లు కాంగ్రెస్ రాష్ట్ర నేతలు తెలిపారు.
చదవండి:NIA: హైదరాబాద్లో 4 చోట్ల, తమిళనాడులో 25 చోట్ల ఎన్ఐఏ సోదాలు
ఉదయం టిఫిన్ నుంచి రాత్రి డిన్నర్ వరకు అన్ని రకాల వంటకాలు ఉండేలా ప్రణాళిక సిద్ధం చేశారు. టిఫిన్ లోకి ఇడ్లీ, వడ, దోశ, పెసరట్టు, ఉగ్గాని, కిచిడీ, ఉప్మా, మిల్లెట్ ఉప్మా, మిల్లెట్ వడ, రాగి, జొన్న సంగటి, పాయా సూప్, ఖీమా రోటీ, ఫ్రూట్ సలాడ్ లను అతిథులకు వడ్డించనున్నారు. లంచ్ హైదరాబాదీ దమ్ బిర్యానీ, హలీమ్, బగారా రైస్, కుర్మా, దాల్చా మటన్, స్పెషల్ చికెన్ కర్రీ, చికెన్ ఫ్రై, మటన్ కర్రీ, తలకాయ కూర, లివర్ ఫ్రై, తెలంగాణ స్పెషల్ మటన్ కర్రీ, చింతచిగురు మటన్, గోంగూర మటన్, చేపలు వడ్డిస్తారు. సాయంత్రం పూట స్నాక్స్ గా ఇరానీ చాయ్, ఉస్మానియా బిస్కెట్లు, సర్వపిండి, సమోసాలు, కుడుములు, మురుకులు, మొక్కజొన్న పొత్తులు, సకినాలు, గారెలు అందిస్తారు. శాకాహారుల కోసం పచ్చి పులుసు, గోంగూర పచ్చడి, గుత్తి వంకాయ కూర, కొబ్బరి పచ్చడి, అంబలి, దాల్చా, రోటీ పచ్చళ్లను సిద్ధం చేశారు.
చదవండి:World Food Summit: వరల్డ్ ఫుడ్ ఇండియా ఈవెంట్‌కు తెలంగాణ
