Explosion in fireworks factory seven people killed at West Bengal Duttapukur
పశ్చిమ బెంగాల్‌లోని నార్త్ 24 పరగణాస్ జిల్లాలోని దుత్తపుకూరులో ప్రమాదవశాత్తు బాణాసంచా ఫ్యాక్టరీలో పేలుడు సంభవించింది. ఈ ఘటనలో 8 మంది మృత్యువాత చెందారు. ఈ క్రమంలో విషయం తెలసుకున్న పోలీసులు ఘటనా స్థలానికి చేరుకుని గాయపడిన వారిని చికిత్స కోసం బరాసత్ ఆసుపత్రికి తీసుకెళ్లారు. అయితే అక్కడ అక్రమంగా పటాకులు తయారు చేస్తుండగా ఇది జరిగినట్లు అధికారులు చెబుతున్నారు. ఈ పేలుడు కారణంగా పలు ఇళ్లు ధ్వంసమయ్యాయి.
#WATCH | West Bengal: Several people feared dead in an explosion at the Illegal crackers factory in Duttapukur. A rescue operation is underway. The injured are being taken to Barasat Hospital for treatment: Duttapukur Police sources pic.twitter.com/YzKW7cU8gM
— ANI (@ANI) August 27, 2023
పేలుడు చాలా శక్తివంతంగా జరిగిందని ఆ ప్రాంతంలోని అనేక భవనాలు దెబ్బతిన్నాయని అగ్నిమాపక దళ అధికారులు తెలిపారు. దత్తపుకర్‌లోని నీల్‌గంజ్ ప్రాంతంలో ఉదయం 10.40 గంటల ప్రాంతంలో రెండంతస్తుల ఇంటిలో ఈ పేలుడు సంభవించిందని స్థానికులు పేర్కొన్నారు. ఫ్యాక్టరీని ఓ ఇంటిలో అక్రమంగా నడుపుతున్నారని స్థానికులు చెబుతున్నారు. పేలుడు సంభవించిన భవనంలో బాణసంచా నిల్వలు ఉన్నాయి. ఇది క్రాకర్స్ తయారు చేసే ప్రాంతం కాదని.. ఇక్కడికి దూరంగా ఉన్న నీల్‌గంజ్‌లోని నారాయణపూర్ ప్రాంతం ప్రధాన తయారీ కేంద్రమని మరోక అధికారి చెబుతున్నారు. ఈ క్రమంలో ఈ ఘటనకు సంబంధించి మరింత సమాచారం తెలియాల్సి ఉంది.
ఇది కూడా చూడండి: Drugs case:లో ఎస్సై అరెస్టు..ఏకంగా ఇంట్లోనే
