కెరీర్ స్టార్టింగ్ నుంచి విభిన్న సినిమాలు చేస్తూ.. సక్సెస్ ఫుల్ హీరోగా దూసుకుపోతున్నాడు యంగ్ హీరో అడివిశేష్. మేజర్ వంటి బ్లాక్ బస్టర్ తర్వాత శేష్ నుంచి హిట్ ఫ్రాంచైజ్ హిట్ 2.. పోయిన వారం ప్రేక్షకుల ముందుకొచ్చిన సంగతి తెలిసిందే. శైలేష్ కొలను దర్శకత్వం వహంచిన ఈ సినిమా.. అనుకున్నట్టే పాజిటివ్ టాక్ సొంతం చేసుకుంది. నందమూరి నటసింహం బాలకృష్ణ కూడా.. హిట్ 2 చూసి మేకర్స్‌ను అభినందించారు. దాంతో ఈ సినిమాకు మరింత ఊపొచ్చింది. అందుకే మూడు రోజుల్లోనే బ్రేక్ ఈవెన్ అయిందని అంటున్నారు. వ‌ర‌ల్డ్ వైడ్‌గా 14 కోట్లకు పైగా షేర్.. 26 కోట్లకు పైగా గ్రాస్ రాబట్టినట్టు ట్రేడ్ వర్గాల మాట. ఇదిలా ఉంటే.. హిట్ 1లో విశ్వక్ సేన్ హీరోగా నటించగా.. హిట్ 2లో అడివి శేష్ నటించాడు. ఇక హిట్ 3లో నాని ఫిక్స్ అయిపోయాడు. హిట్ 2 క్లైమాక్స్‌లో అర్జున్ సర్కార్‌గా నాని పాత్రను రివీల్ చేశారు. దాంతో నాని పోలీస్ ఆఫీసర్‌గా ఎలా ఉంటాడనే ఆసక్తి అందరిలోను ఉంది. అలాగే హిట్ 3 విలన్ ఎవరనేది మరింత ఇంట్రెస్టింగ్‌గా మారింది. ఇప్పటి వరకు విడుదలైన రెండు సినిమాల్లోనూ సీరియల్ కిల్లర్ పాత్రల్లో అబ్బాయిలే కనిపించారు. కానీ హిట్3 అలా కాదు.. అమ్మాయిలను సైకో విలన్‌గా తీసుకోవాలనే చర్చ జరుగుతోంది. హిట్2 చూసిన లేడీ ఫ్యాన్స్.. నెక్ట్స్ ఫ్రాంచైజ్‌లో లేడీ విలన్ కావాలని డిమాండ్ చేస్తున్నారు. జెంట్స్ మాత్రమే కాదు.. అమ్మాయిల్లో కూడా సైకోలు ఉంటారని.. అబ్బాయిలను క్రూరంగా మర్డర్ చేస్తారని.. అంటున్నారు. ఈ క్రమంలో ఇప్పటికే స్టార్ బ్యూటీ సమంత అయితే ఎలా ఉంటుదనే టాక్ నడుస్తుండగా.. ఇప్పుడు రంగమ్మత్త అనసూయ లాంటి వపర్ ఫుల్ విలన్‌ని తీసుకోవాలని అంటున్నారు లేడీ ఫ్యాన్స్. కానీ విజయ్ సేతుపతిని విలన్‌గా తీసుకునే ఛాన్స్ ఉందంటున్నారు. మరి ఫ్యాన్స్ కోరిక మేరకు.. నాని లేడీ విలన్‌నే తీసుకుంటాడేమో చూడాలి.
