విజువల్ వండర్ రాబోతున్న అవతార్ సీక్వెల్స్ పై.. ప్రపంచ వ్యాప్తంగా భారీ అంచనాలున్నాయి. అలాంటి సినిమాపై మరిచిపోండంటూ.. షాకింగ్ కామెంట్స్ చేశాడు దర్శకుడు జేమ్స్ కామెరూన్. మరి ఆయన ఎందుకలా అన్నాడనే విషయాన్ని ఓ సారి చూస్తే..
దాదాపు 13 ఏళ్ల తర్వాత అవతార్ పార్ట్ 2 రాబోతుంది.. డిసెంబర్ 16న ప్రపంచ వ్యాప్తంగా ఈ సినిమా భారీ ఎత్తున విడుదలవుతోంది. అయితే అవతార్ ప్రభంజనం సృష్టించడంతో.. అప్పుడే నాలుగు సిక్వెల్స్ ప్రకటించాడు కామెరూన్. అవతార్ 2 తర్వాత రెండేళ్లకోసారి మిగతా పార్ట్స్‌ రిలీజ్ చేసేందుకు ప్లాన్ చేస్తున్నాడు. ముందుగా ‘అవతార్.. ది వే ఆఫ్ వాటర్’ పేరుతో సెకండ్ పార్ట్ రిలీజ్‌కు రెడీ అవుతోంది. ఇప్పటికే ఈ సినిమా ట్రైలర్ అదరహో అనేలా ఉండడంతో అవతార్ 2 కోసం ఆసక్తికరంగా ఎదురు చూస్తున్నారు.
ఇలాంటి సమయంలో ‘అవతార్ 4’.. ‘అవతార్ 5’ పై జేమ్స్ కామెరూన్ చేసిన కామెంట్స్ వైరల్‌గా మారింది. అవతార్ 2 రిజల్ట్‌ను బట్టి ఆ సీక్వెల్స్‌ను ఉంటాయని చెప్పుకొచ్చాడు. ఒకవేళ అవతార్-2 సినిమా ఫ్లాప్ అయితే, అవతార్ నెక్ట్స్ సీక్వెల్స్ గురించి మర్చిపోవాల్సిందేనని చెప్పాడు. తాను ఇప్పటికే స్క్రిప్ట్ రాసుకున్నప్పటికీ.. నేటికీ ప్రపంచంలో చాలా మార్పులు వచ్చాయని జేమ్స్ కామెరూన్ తెలిపారు.
కాబట్టి పార్ట్ 2 , పార్ట్ 3 ఫలితాన్ని బట్టి మిగతా సీక్వెల్స్ ఉంటాయని అన్నాడు. అయితే అది జరగని పని అని.. తాను కూడా దాన్ని నమ్ముతున్నట్లుగా చెప్పుకొచ్చారు. అలాగే అవతార్-2 విజువల్స్ ప్రేక్షకులకు లైఫ్‌టైమ్ మెమరీగా నిలిచిపోతాయని ధీమా వ్యక్తం చేస్తున్నారు. మరి అవతార్ 2 ఎలాంటి వండర్స్ క్రియేట్ చేస్తుందో చూడాలి.
