తెలంగాణ (Telanagana )ప్రభుత్వం ప్రతిష్టాత్మకంగా చేపట్టిన హరితహారం (Haritaharam) చెట్టు కొమ్మ విరగొట్టిన వాహనదారుడికి మున్సిపల్ అధికారులు రూ.3వేల జరిమానా (fine) విధించారు. సిద్దిపేట (Siddipet) పట్టణంలోని కరీంనగర్ రోడ్డులో మహారాష్ట్రకు చెందిన డీసీఎం డ్రైవర్ విక్రమ్ తన వాహనంతో హరిత హారం చెట్టును ఢీకొట్టాడు. దీంతో చెట్టు కొమ్మ విరిగిపోయింది. విషయం తెలుసుకున్న హరిత హారం అధికారి ఐలయ్య సంఘటన స్థలానికి చేరుకొని పరిశీలించారు. అనంతరం విషయాన్ని మున్సిపల్ కమిషనర్(Municipal Commissioner) సంపత్ కుమార్, మున్సిపల్ చైర్మన్ మంజుల రాజనర్సుకు తెలిపారు. ఉన్నతాధికారుల సూచన మేరకు డీసీఎం డ్రైవర్ కు రూ.3వేలు జరిమానా విధించారు.
చదవండి : బాలీవుడ్‌ నటి ఇంట తీవ్ర విషాదం
హరిత హారం (Haritaharam) చెట్లు, కొమ్మలను నరికినా.. విరగొట్టినా చర్యలు తప్పవని మున్సిపల్ అధికారులు హెచ్చరించారు. పర్యావరణ పరిరక్షణలో భాగంగా ‘తెలంగాణకు హరితహారం’ పేరుతో ప్రభుత్వం పెద్ద ఎత్తున చెట్ల పెంపకాన్ని చేపట్టిన సంగతి తెలిసిందే. ఈ ఏడాది 7 వ హరితహారంలో భాగంగా ఇప్పటికే 20 కోట్ల మొక్కలు నాటినట్లు ఇటీవల ప్రభుత్వం తెలిపింది. దీంతో పాటు ఈ కార్యక్రమానికి అనుసంధానంగా ‘గ్రీన్‌ ఇండియా(Green India)ఛాలెంజ్‌’, ‘పల్లె ప్రగతి’(Palle pragati), ‘పట్టణ ప్రగతి’ పేరుతో పట్టణాలు, గ్రామాల్లో పెద్ద ఎత్తున మొక్కలు నాటే కార్యక్రమాలు చేపడుతోంది. వీటి పరిరక్షణ బాధ్యతలను అధికారులు, ప్రజాప్రతినిధులకు అప్పగిస్తోంది. ఇందులో భాగంగానే చెట్ల నరికివేసిన వారికి పెద్ద మొత్తంలో జరిమానాలు విధిస్తున్నారు
చదవండి : సీఎం కేసీఆర్ పై రాములమ్మ సంచలన వ్యాఖ్యలు
