రాబోయే ఎన్నికలు(Elections) జగన్ వర్సెస్ పబ్లిక్‌గా జరుగుతాయని టీడీపీ(TDP) అధినేత చంద్రబాబు నాయుడు(Chandrababu) అన్నారు. జగన్(Jagan) అరాచక పాలన గురించి ప్రజలు ఆలోచిస్తున్నారని, వారి భవిష్యత్తు కోసం కచ్చితంగా వైసీపీ(YCP)ని అధికారంలోకి తీసుకురారని చంద్రబాబు ఆసక్తికర కామెంట్స్ చేశారు. ఎమ్మెల్సీ(MLC) ఎన్నికల ఫలితాలపై చంద్రబాబు మాట్లాడారు. పులివెందుల్లో జగన్ సర్కార్ పై తిరుగుబాటు ప్రారంభమైందన్నారు. తోటి వాళ్లను జగన్(Jagan) నేరాల్లో భాగస్వామ్యం చేస్తున్నాడని, అధికారులను, వ్యాపారులను జైళ్లకు పంపుతున్నాడని ఆరోపణలు చేశారు.
చదవండి: Jagan: కాలేజీ ఫీజుల బాధ్యత నాదే..పిల్లలకు ఇచ్చే ఆస్తి చదువు ఒక్కటే
ఏపీ(AP) ప్రజలను కూడా జగన్(Jagan) క్రైమ్ లో భాగస్వాములను చేయాలని చూస్తున్నారని, చెడుకు ఎప్పటికైనా ఓటమి అనేది ఖాయమని చంద్రబాబు(Chandrababu) వ్యాఖ్యానించారు. ఏపీలో జగన్ పని అయిపోయిందని, వైసీపీ(YCP) గాలికి కొట్టుకుపోతుందన్నారు. ఏపీలో కీలకమైన నాలుగు వ్యవస్థలను జగన్ సర్కార్ సరిగా పనిచేసుకోనివ్వడం లేదని, కోర్టులు, జడ్జీలను బ్లాక్ మెయిల్ చేసే విధంగా వ్యవహరిస్తున్నారన్నారు.
చదవండి: Rain Alert: మరో 24 గంటల్లో భారీ వర్షాలు..తెలుగు రాష్ట్రాలకు అలర్ట్
ఏపీలో ఎవ్వరూ సమావేశాలు పెట్టకూడదనే పరిస్థితిని తెచ్చారన్నారు. పాదయాత్రలు, రోడ్ షోలకు ఆంక్షలు విధించారని చంద్రబాబు ఆగ్రహం వ్యక్తం చేశారు. ఎమ్మెల్సీ(MLC) ఎన్నికట్లో ఓటుకు రూ.వెయ్యి నుంచి రూ.10 వేల వరకూ వైసీపీ నాయకులు ఇచ్చారని, వెండి వస్తువులు పంచారని, దొంగ ఓట్లు నమోదు చేయించారని విమర్శలు గుప్పించారు. ఉగ్రవాదులు కూడా భయపడే చర్యలను వైసీపీ నేతలు చేపట్టారని టీడీపీ అధినేత చంద్రబాబు నాయుడు(Chandrababu) ఆగ్రహం వ్యక్తం చేశారు.
