HYD: పద్మారావునగర్ స్కందగిరి శ్రీ సుబ్రహ్మణ్య స్వామి ఆలయంలో శనివారం సుబ్రహ్మణ్య షష్టి వేడుకలు కనుల పండువగా జరిగాయి. ఉదయం నుంచే సిటీలోని వివిధ ప్రాంతాల నుంచి తరలివచ్చిన వేలాదిమంది భక్తులు ఆలయాన్ని సందర్శించి, స్వామివారిని దర్శించుకున్నారు. ఈ సందర్భంగా ప్రత్యేక పూజలు నిర్వహించారు. ఈ కార్యక్రమంలో ఆలయ ఛైర్మన్ ఎల్వీ సుబ్రహ్మణ్యం, ఆలయ మేనేజింగ్ ట్రస్టీ కృష్ణన్ రాజమణి పాల్గొన్నారు.
