అసలు బాలయ్య హోస్టింగ్ అన్పప్పుడే అన్ స్టాపబుల్(unstoppable season 2) టాక్ షో సెన్సేషనల్‌గా నిలిచింది. ఇక ఫస్ట్ సీజన్లో ఒక్కో ఎపిసోడ్ అంతకు మించి అనేలా సాగింది. మొత్తంగా ఆహా ఓటిటి వేదికగా వచ్చిన అన్‌స్టాపబుల్ వాహ్ అనిపించింది. అంతేకాదు ఈ షో ఐఎంబీడీలో హయ్యస్ట్ రేటెడ్ టాక్ షోగా నిలిచింది. దాంతో సెకండ్ సీజన్‌ను మరింత గ్రాండ్‌గా నిర్వహిస్తున్నారు. ఇక అన్ స్టాపబుల్ సెకండ్ సీజన్ ఫస్ట్ ఎపిసోడ్‌లో బాలకృష్ణ బావ, అల్లుడు.. నారా చంద్రబాబు నాయుడు.. లోకేష్ ముఖ్య అతిథులుగా వచ్చారు.
దాంతో అటు రాజకీయ వర్గాలతో పాటు సినీ వర్గాల్లో ఈ టాక్ షో హాట్ హైలెట్‌గా నిలిచింది. రీసెంట్‌గా స్ట్రీమింగ్ అయిన సీజన్ ఫస్ట్ ఎపిసోడ్‌కు 24 గంటల్లో పది లక్షలకు పైగా వ్యూస్ వచ్చాయని ఆహా ఓటీటీ వెల్లడించింది. ఈ సెన్సేషనల్ ఎపిసోడ్ సెన్సేషన్ క్రియేట్ చేస్తోందని.. బాలకృష్ణ ఓటీటీ రికార్డులు తిరగరాస్తున్నారని పేర్కొంది. ఇక రెండో ఎపిసోడ్‌లో యంగ్ హీరోలు విశ్వక్ సేన్, సిద్ధూ జొన్నలగడ్డతో పాటు నిర్మాత నాగవంశీ గెస్ట్‌లుగా వచ్చారు. తాజాగా రిలీజ్ అయిన ఈ ప్రోమో నెట్టింట వైరల్ అవుతోంది.
ఈ ఈ ప్రోమోలో నాగంశీతో మాట్లాడుతూ త్రివిక్రమ్ ప్రస్థావన తీసుకొచ్చారు బాలయ్య. ఈ సందర్భంగా.. త్రివిక్రమ్‌కి ఫోన్ చేసి అన్ స్టాపబుల్‌కి ఎప్పుడొస్తున్నారని అడగారు బాలయ్య. దాంతో మీరు ఎప్పుడంటే అప్పుడే రెడీ అంటూ చెప్పుకొచ్చారు త్రివిక్రమ్. అప్పుడు బాలయ్య ఎవరితో రావాలో.. తెలుసు కదా.. అని అనడంతో.. స్టేజ్ చప్పట్లతో మార్మోగిపోయింది. అలాగే బ్యాక్ గ్రౌండ్‌లో పవన్ కళ్యాణ్ మ్యూజిక్ ప్లే అవడంతో.. త్రివిక్రమ్-పవన్ ఎంట్రీ ఖాయమైపోయిందని చెప్పొచ్చు. ఇక పవన్‌తో బాలయ్య షో ఎలా ఉంటుందో ఊహించుకోవచ్చు. సెకండ్ సీజన్లోనే వీళ్ల ఎపిసోడ్ హైలెట్‌గా నిలవనుందని చెప్పొచ్చు.
ఇది కూడా చూడండి: NBK 107 టైటిల్ లోడింగ్.. డేట్ ఫిక్స్..!
