టాలీవుడ్(Tollywood) హీరో బాలయ్య(Balakrishna) అంటే ఫ్యాన్స్‌లో విపరీతమైన క్రేజ్. ఇప్పుడంతా ‘జై బాలయ్య’ ట్రెండ్ నడుస్తోంది. హీరో ఎవరైనా సందర్భం ఏదైనా సరే అక్కడ ”జై బాలయ్య” స్లోగన్ కచ్చితంగా వినపడుతూ ఉంటుంది. దీన్ని బట్టి చూస్తేనే ఆయన క్రేజ్ ఏంటో, ఫ్యాన్ ఫాలోయింగ్ ఏంటో ఇట్టే అర్థమవుతుంది. తాజాగా ఓ పెళ్లి కుమారుడు బాలయ్య(Balayya) వస్తేనే తాళి కడతానని మొండిపట్టు పట్టాడు. వినడానికి మీకు ఆశ్చర్యంగానే ఉన్నా అది నిజం.
చదవండి: Naga Shaurya: ‘ఫలానా అబ్బాయి ఫలానా అమ్మాయి’ నుంచి మెలోడీ సాంగ్ రిలీజ్
తనకు, తన కుటుంబానికి సీనియర్ ఎన్టీఆర్(NTR) అంటే దేవుడని, తమ ఇంటి పూజ గదిలో ఆయన ఫోటోలే కనిపిస్తాయని ఆ వరుడు అంటున్నాడు. ఎన్టీఆర్(NTR)నే కాకుండా ఆయన కుటుంబీకులను కూడా తమ గుండెల్లో పెట్టుకుని ఆరాధిస్తున్నట్లు తెలిపాడు. తన జీవితంలో ఎంతో కీలక ఘట్టమైన పెళ్లిలో కూడా వారికి విశేష స్థానం ఉంటుందని, అందుకే బాలయ్య(Balayya) వస్తేనే తాను తాళికడతానని అంటున్నాడు.
చదవండి: GMA Show అమెరికాలో రామ్ చరణ్ రచ్చ రచ్చ.. క్రేజ్ మామూలుగా లేదు
పులమరశెట్టి వెంకటరమణ అనే వ్యక్తికి సీనియర్ ఎన్టీఆర్(NTR) అంటే ఎంతో అభిమానం. ఆయనే కాదు ఆయన కుటుంబీకులు అన్నా చాలా ఇష్టం. విశాఖ జిల్లా పెందుర్తి మండలం, చింతలగ్రహారం గ్రామానికి చెందిన వెంకటరమణ గురించి చుట్టుపక్కల ఊర్లలో అందరికీ తెలుసు. వెంకటరమణ కుమారుడు పులమరశెట్టి కోమలీ పెద్దినాయుడు బాలయ్య(Balayya)కు వీరాభిమాని. ఈ మధ్యే పులమరశెట్టి కోమలీ పెద్దినాయుడుకు పెళ్లి నిశ్చయమైంది. మార్చి 11వ తేదిన వివాహం జరగనుంది. తన పెళ్లిపత్రికపై బాలయ్య, ఎన్టీఆర్ చిత్రాలను కూడా ముద్రించాడు. ఆరు పేజీలతో కూడిన ఆ వివాహ ఆహ్వాన పత్రికపై తన అభిమాన హీరోల ఫోటోలు ముద్రించి అభిమానాన్ని చాటుకున్నాడు.
బాలయ్య(Balayya)కు తెలిసినవారిని కలిసి పెళ్లి సమాచారాన్ని చెప్పాలని, అలాగే ఆయన పెళ్లికి వచ్చేలా చేయాలని పెద్దినాయుడు ఎంతో ఆశపడుతున్నాడు. కుటుంబ సభ్యులు కూడా బాలయ్య(Balayya) పెళ్లికి రావాలని ఆశిస్తున్నారు. పెళ్లి ఆహ్వానం అందుకున్న అతిథులు సైతం ఎంతో ఆసక్తితో పెళ్లిపత్రికను తిలకిస్తున్నారు. మొత్తానికి ఈ పెళ్లికొడుకు కోరిక నెరవేరుతుందో లేదో తెలియాలంటే మరికొంత సమయం వేచి చూడాల్సిందే.
