హైదరాబాద్(hyderabad) లో గత సంవత్సరం పేలుళ్లకు ఉగ్రవాద కుట్ర(terror attack case) పన్నినట్లు వెలుగులోకి వచ్చింది. ఈ ఘటనను ముందుగానే గుర్తించి పలువురిని అరెస్టు చేసిన పోలీసులు(police) తాజాగా ఈ కేసులో మరో వ్యక్తి మహ్మద్ అబ్దుల్ కలీమ్ సీట్, సీసీఎస్ పోలీసులు అదుపులోకి తీసుకుని చంచల్ గూడ జైలుకు తరలించారు. పలు ఉగ్ర సంస్థలు 2022లో దసరా పండుగ సమయంలో భాగ్యనగరంలో వరుస పేలుళ్లకు ప్లాన్ వేశాయి. ఆ క్రమంలో అబ్దుల్ జాహెద్, మహ్మద్ సమీయుద్దీన్, మాజ్ హసన్ ఫరూక్ కుట్రలో భాగంగా హైదరాబాద్లోనే మకాం వేసి పేలుళ్లకు పాల్పడేందుకు సిద్ధమయ్యారు. విశ్వసనీయంగా వీరి కుట్ర గురించి తెలుసుకున్న పోలీసులు వీరి ముగ్గురిని అదుపులోకి తీసుకుని కుట్రను ఛేదించారు. ఆ క్రమంలో వారి నుంచి 4 చైనా గ్రనేడ్లను స్వాధీనం చేసుకున్నారు.
ఈ కేసులో భాగంగా అరైస్టైన అబ్దుల్ జాహెద్ 2005లో టాస్క్ ఫోర్స్ ఆఫీసుపై బాంబు దాడి కేసులో ఇప్పటికే అరస్టయినట్లు తెలిసింది. అదే క్రమంలో 2017 ఆగస్టు 1న విచారణ కూడా ఎదుర్కొన్నట్లు తేలింది. ఆ తర్వాత ఇటీవల మళ్లీ హైదరాబాద్లో పెద్ద ఉగ్ర దాడి(terror attack)కి ప్లాన్ వేసినట్లు వెలుగులోకి వచ్చింది. ఈ ఉగ్రకుట్ర అమలుకు పాకిస్తాన్ నుంచి హవాలా డబ్బు వచ్చేదని విచారణలో తెలిసింది. ఈ ఉగ్రకుట్ర(terror attack)అమలులో భాగంగా మరికొంత మంది ఉన్నట్లు తెలుస్తోంది.
చదవండి: Amrit Kalash Deposit scheme: ఎస్బీఐ అదిరిపోయే స్కీమ్
