Rakul Preet Singh's younger brother arrested in drug case!
Rakul Preet Singh: టాలీవుడ్‌లో డ్రగ్స్ వ్యవహారం ఎప్పటికప్పుడు వెలుగులోకి వస్తునే ఉంది. పోలీసులు ఎన్ని చర్యలు తీసుకుంటున్న కూడా.. డ్రగ్స్ సరఫరా మాత్రం ఆగడం లేదు. ఆ మధ్య హీరో నవదీప్‌ డ్రగ్స్ కేసుతో హాట్ టాపిక్ అయిన సంగతి తెలిసిందే. గతంలోను చాలామంది స్టార్స్‌కు డ్రగ్స్‌తో సంబంధం ఉందని, వాళ్లను విచారణ కూడా చేశారు. బడా బడా స్టార్స్ కూడా ఇందులో ఉన్నట్టుగా వార్తలు వస్తునే ఉంటాయి. తాజాగా ఇప్పుడు హైదరాబాద్ లో మరో డ్రగ్స్ రాకెట్‌ని చేధించారు పోలీసులు. ఈసారి స్టార్ బ్యూటీ రకుల్ ప్రీత్ సింగ్ తమ్ముడు అమన్ ప్రీత్ సింగ్‌ని పోలీసులు అరెస్ట్ చేశారు.
చదవండి:Nayanthara: యంగ్ హీరోతో రెచ్చిపోనున్న నయనతార?
అంతేకాదు.. అతని దగ్గర సుమారు 200 గ్రాముల కొకైన్ కూడా పోలీసులు స్వాధీనం చేసుకున్నట్టుగా తెలుస్తోంది.. పోలీసులు చేసిన ఉమ్మడి ఆపరేషన్‌లో భాగంగా.. డ్రగ్స్ విక్రయిస్తున్న ఐదుగురు నైజీరియన్లను అరెస్టు చేశారు. ఈ ఐదుగురి వద్ద కొకైన్ కొనుగోలు చేసిన వీఐపీలను సైతం పోలీసులు అరెస్ట్ చేశారు. వారిలో రకుల్ ప్రీత్ సింగ్ సోదరుడు అమన్ ప్రీత్ సింగ్ కూడా ఒకరు అని అంటున్నారు. అయితే.. ఇంకా ఈ డ్రగ్స్ ఆపరేషన్ పూర్తి కాలేదని తెలుస్తోంది. అయిన తర్వాత పూర్తి వివరాలను పోలీసులు మీడియాకి వెల్లడించే అవకాశం ఉంది. దీంతో మరోసారి టాలీవుడ్‌ డ్రగ్స్ వ్యవహారం కలకలం రేపింది. ఇక అమన్ ప్రీత్ సింగ్ ఒక సినిమాలో హీరోగా కూడా నటించాడు. అలాగే.. రకుల్ ప్రీత్ సింగ్‌తో కలిసి పలు వ్యాపారాలు కూడా చేస్తున్నాడు. ఇప్పుడు డ్రగ్స్‌తో వార్తల్లో నిలిచాడు.
చదవండి:Anupama Parameshwar: కోటి రూపాయలిస్తే.. దైనికైనా సై?
