Nayanthara who will get angry with the young hero?
Nayanthara: కోలీవుడ్, టాలీవుడ్‌లో స్టార్ హీరోయిన్‌గా దుమ్ములేపిన నయనతార.. కోలీవుడ్ డైరెక్టర్ విఘ్నేష్ శివన్‌ను పెళ్లి చేసుకున్న సంగతి తెలిసిందే. సరోగసి పద్ధతి ద్వారా కవల పిల్లలకు తల్లిదండ్రులయ్యారు నయన్, విఘ్నేష్. ప్రస్తుతం సంసార జీవితంతో పాటు.. హీరోయిన్‌గాను దూసుకుపోతోంది నయన్. వరుస సినిమాలు చేస్తోంది అమ్మడు. సౌత్‌ ఇండస్ట్రీలో అత్యధిక రెమ్యూనరేషన్ తీసుకుంటున్న హీరోయిన్‌గా నయన తార టాప్ ప్లేస్‌లో ఉంది. గతేడాది ఈ ముద్దుగుమ్మ నటించిన బాలీవుడ్ మూవీ జవాన్.. బాక్సాఫీస్ దగ్గర భారీ వసూళ్లను రాబట్టింది. ప్రస్తుతం తమిళ్‌లో వరుస సినిమాలు చేస్తోంది నయన్. నాలుగు పదుల వయసులోను కుర్ర హీరోయిన్లకు ధీటుగా దూసుకుపోతోంది.
చదవండి:Anupama Parameshwar: కోటి రూపాయలిస్తే.. దైనికైనా సై?
అయితే తెలుగు సినిమాలకు మాత్రం కాస్త దూరమైంది అమ్మడు. చివరగా మెగాస్టార్ ‘గాడ్ ఫాదర్’ సినిమాలో కీలక పాత్రలో నటించింది ఈ ముదురు బ్యూటీ. ఇదిలా ఉంటే.. ఓ కోలీవుడ్ యంగ్ హీరోతో ఓ రేంజ్‌లో రొమాన్స్ చేయడానికి రెడీ అవుతోందట నయన్. బిగ్ బాస్ ఫేం కెవిన్ హీరోగా నటించ‌బోతున్న ఓ సినిమాలో నయనతార హీరోయిన్‌గా న‌టించ‌బోతున్న‌ట్లుగా తెలుస్తోంది. ఈ సినిమాలో నయనతార పాత్ర కెవిన్ కంటే వ‌య‌సులో పెద్ద‌దిగా ఉంటుంద‌ట. అయినా కూడా హీరో క్యారెక్టర్‌ను ప్రేమించే పాత్రలో నయన్ రెచ్చిపోయి న‌టించ‌బోతున్న‌ట్లుగా కోలీవుడ్ వర్గాల సమాచారం. గతంలో శింబుతో కలిసి రొమాంటిక్ సీన్స్‌లో ఓ రేంజ్‌లో రెచ్చిపోయింది నయనతార. ఇప్పుడు అలాంటి ట్రీట్ ఏమైనా ఇస్తుందా? అనే చర్చ జరుగుతోంది. ఇక ఈ సినిమాను లోకేశ్ క‌న‌గ‌రాజ్ శిష్యుడైనటువంటి విష్ణు ఇడ‌వ‌న్ దర్శకత్వం వహించబోతున్నాడు. అనిరుధ్ ర‌విచంద‌ర్ సంగీతం అందిస్తుండ‌గా.. నయన్ భ‌ర్త విఘ్నేష్ శివ‌న్ ప్రొడ్యూస్ చేయ‌నున్నాడు.
చదవండి:Prabhas: ప్రభాస్‌ కొత్త సినిమా టైటిల్‌.. దాదాపుగా ఫిక్స్?
