President Murmu plays Badminton Saina Nehwal : భారత రాష్ట్రపతి( President) ద్రౌపది ముర్ము సరదాగా కాసేపు బ్యాడ్మింటన్‌ ఆడారు. ప్రముఖ అంతర్జాతీయ బ్యాడ్మింటన్‌(badminton) క్రీడాకారిణి సైనా నెహ్వాల్‌తో కలిసి ఆమె రాకెట్‌ పట్టారు. కోర్టులో కాసేపు ఇద్దరూ కలిసి ఆట ఆడుతుంటే ప్రేక్షకులు కల్లప్పగించి చూశారు. ఆనందంగా వారిని ప్రోత్సహించారు. రాష్ట్రపతి భవన్‌లో(Rashtrapati Bhavan) ఉన్న బ్యాడ్మింటన్‌ కోర్డులో వారిద్దరూ కలిసి ఈ మ్యాచ్ ఆడటం విశేషం.
చదవండి : తెలంగాణలో 15 మంది సీనియర్‌ ఐపీఎస్‌ల బదిలీలు
ఈ వీడియోని ద్రౌపది ముర్ము తన ఎక్స్‌ ఖాతాలో పోస్ట్‌ చేశారు. ఆరోగ్యకరమైన జీవన విధానం కోసం ఆటలు ఆడాలంటూ చిన్నారులకు ముర్ము సందేశం ఇచ్చారు. పిల్లలను ఇన్‌స్పైర్‌ చేయడానికి రాష్ట్రపతి ఇలా గేమ్‌ ఆడినట్లు రాసుకొచ్చారు. ఎప్పుడూ ఎక్కువగా తెల్లటి చీరలో కనిపించే రాష్ట్రపతి ఇప్పుడు మాత్రం భిన్నమైన వస్త్ర ధారణలో కనిపించారు. లేత వంకాయ రంగు చుడీదార్‌ ధరించారు. స్పోర్ట్స్‌ షూ ధరించి కోర్టులో అడుగుపెట్టారు. ఇద్దరూ చక్కగా నవ్వుతూ గేమ్‌ను ఆడారు. ఆస్వాదిస్తున్నట్లుగా కనిపించారు.
చదవండి : టీం ఇండియా.. అత్యధిక విజయాల అద్దిరిపోయే రికార్డు!
ఇందుకు సంబంధించిన వీడియో ఇప్పుడు నెట్‌లో వైరల్‌గా మారింది. నెటిజన్లు సైతం దీనికి అంతే చలాకీగా స్పందిస్తున్నారు. ‘మన ప్రెసిడెంట్‌ మేమ్‌ నెక్స్ట్‌ ఒలంపిక్‌ ఛాంప్‌’ అంటూ ఒకరు కామెంట్ చేశారు. ఇలా ఉండే వారినే పీపుల్స్‌ ప్రెసిడెంట్‌ అంటారంటూ మరొకరు రాసుకొచ్చారు. లాంగ్‌ లివ్‌ ప్రెసిడెంట్‌ అంటూ మరొకరు ఆశీర్వదించారు. మరి ఇంకెందుకు ఆలస్యం ఆ వీడియోపై మీరూ ఓ లుక్కేయండి.
View this post on Instagram
