Google Map : దారి తెలియని చోట ఈ మధ్య కాలంలో ప్రతి ఒక్కరూ కారు నడిపేందుకు గూగుల్‌ మ్యాప్స్‌ని ఎక్కువగా ఉపయోగిస్తున్నారు. అయితే కేరళలో జరిగిన ఓ ఘటనతో అంతా ఉలిక్కి పడ్డారు. గూగుల్‌ మ్యాప్‌ చూపించినట్లుగా వెళ్లిపోతే కొన్ని సార్లు ప్రమాదాల్లోనూ ఇరుక్కుపోవచ్చని ఈ ఘటన నిరూపించింది. ఇంతకీ ఏమైందంటే..? ఇద్దరు యువకులు(two youths) కారులో ప్రయాణిస్తున్నారు. కర్ణాటకలో ఉన్న ఆసుపత్రికి వెళ్లడానికి కేరళ నుంచి బయలుదేరారు. కేరళలోని కాసరగఢ్‌ జిల్లాలో వారు కారు నడుపుతున్నారు. దారి తెలియకపోవడంతో గూగుల్‌ మ్యాప్స్‌ని(Google Maps) అనుసరిస్తున్నారు.
చదవండి : మానసిక ఆరోగ్యాన్ని పెంచే అలవాట్లు ఇవి..!
అలా వెళుతున్నప్పుడు వారికి ఓ నది ఎదురైంది. వర్షాల వల్ల రోడ్డే అలా నీటితో నిండి ఉందని వారు భావించారు. గూగుల్‌ మ్యాప్స్‌(Google Maps) సైతం అటే దారి చూపించడంతో వారు కారును నీటిలోకి పోనిచ్చారు. అయితే వర్షాల కారణంగా ఆ నది మరింత ఉధృతంగా ప్రవహిస్తోంది. దీంతో కారు నీటిలో కొట్టుకుపోవడం ప్రారంభం అయ్యింది. అదృష్ట వశాత్తూ అది ఓ చెట్టును గుద్దుకుని అక్కడ చిక్కుకుంది. దీంతో ఆ ఇద్దరు కారు డోర్లను తీసి బయటకు వచ్చారు. ప్రాణాలతో బయట పడగలిగారు.
చదవండి : నన్ను అలా చూడొద్దు.. అర్జునిడిగానే చూడండి : విజయ్‌ దేవరకొండ
అగ్నిమాపక సిబ్బందికి సమాచారం అందడంతో వారు హుటాహుటిన ఘటనా స్థలానికి చేరుకున్నారు. తాళ్ల సాయంతో ఆ ఇద్దరు యువకుల్నీ ఒడ్డుకు లాగారు. ప్రస్తుతం వారిద్దరి ఆరోగ్యం నిలకడగా ఉంది. మేము ప్రాణాలతో బయట పడతామని అనుకోలేదు. ఇది మాకు పునర్జన్మలా ఉంది అని ఆ యువకుల్లో ఒకరైన రషీద్‌ అన్నారు.
