100 కాదు, 500 కాదు.. వెయ్యి కాదు.. ఏకంగా 1500 కోట్లతో ప్రభాస్ సినిమాకు ప్లాన్ చేస్తున్నారనే న్యూస్.. ఇండస్ట్రీ వర్గాల్లో వైరల్గా మారింది. ప్రస్తుతం ప్రభాస్ చేస్తున్నా ఆదిపురుష్ 550 కోట్లు, ప్రాజెక్ట్ కె 500 కోట్లు, సలార్ 250 కోట్లు, మారుతి ప్రాజెక్ట్ అటు, ఇటుగా 200 కోట్లతో తెరకెక్కుతున్నాయి. సందీప్ రెడ్డి ‘స్పిరిట్’ కూడా 500 కోట్ల బడ్జెట్తో రూపొందనుంది. కానీ అప్ కమింగ్ ప్రాజెక్ట్ మాత్రం ఏకంగా 1500 కోట్లతో తెరకెక్కించబోతున్నట్టు తెలుస్తోంది. ఇది ఇండియన్ సినిమా హిస్టరీలో భారీ బడ్జెట్ మూవీ కానుంది. అయితే ఇంత పెద్ద ప్రాజెక్ట్ ఎవరు నిర్మించబోతున్నారు.. డైరెక్టర్ ఎవరు.. అనే వివరాలు ఓ సారి చూస్తే..! ప్రస్తుతం బాలీవుడ్ బాక్సాఫీస్ దగ్గర పఠాన్ మూవీ కలెక్షన్ల వర్షం కురిపిస్తోంది. వారం రోజుల్లోనే 700 కోట్ల రూపాయలను వసూళ్లు చేసి బాలీవుడ్కు ఊపిరిపోసింది. ఈ సినిమాను టాలెంటెడ్ డైరెక్టర్ సిద్ధార్థ్ ఆనంద్ తెరకెక్కించాడు. దాంతో ఈయన అప్ కమింగ్ ప్రాజెక్ట్స్ పై అంచనాలు భారీగా పెరిగిపోయాయి. పఠాన్ తర్వాత హృతిక్ రోషన్తో ఫైటర్ అనే మూవీ చేస్తున్నాడు. ఆ తర్వాతే ప్రభాస్తో ఊహకందని ప్రాజెక్ట్ చేయబోతున్నాడు. ఇందులో హృతిక్ రోషన్ కూడా నటించనున్నాడని తెలుస్తోంది. అయితే ఈ సినిమాలో హృతిక్ రోషన్ నటిస్తాడో లేదో తెలియదు గానీ.. మైత్రీ మూవీ మేకర్స్ మాత్రం గట్టిగానే ప్లాన్ చేస్తున్నారు.అందుకే దాదాపు 1500కోట్ల బడ్జెట్తో ఈ చిత్రం రూపొందించబోతున్నట్టు ఇండస్ట్రీ వర్గాల సమాచారం. ఇదే నిజమైతే ప్రభాస్ చరిత్ర సృష్టించినట్టే. అయితే బడా బడా డైరెక్టర్సే ఇప్పటి వరకు 500 కోట్లు దాటలేదు. కానీ సిద్ధార్థ్ ఆనంద్ మాత్రం ఇంత భారీ బడ్జెట్తో ఎలాంటి ప్రాజెక్ట్ చేస్తున్నాడనేది అంతు పట్టకుండా ఉంది. అలాగే హ్యాండిల్ చేయగలడా అనే డౌట్ రాక మానదు. మరి మైత్రీ వారు దీని పై క్లారిటీ ఇస్తారేమో చూడాలి.