Son of PV Narasimha Rao who received the Bharat Ratna award at the hands of President Draupadi Murmu
Bharat Ratna Award: రాష్ట్రపతి ద్రౌపది ముర్ము(Draupadi Murmu) శనీవారం భారతరత్న అవార్డుల ప్రదానోత్సవ కార్యక్రమంలో పాల్గొన్నారు. కేంద్ర ప్రభుత్వం ప్రకటించిన ఐదుగురికి భారతరత్న అవార్డులను ప్రధానం చేశారు. రాష్ట్రపతి భవన్‌లో భారతరత్న అవార్డుల ప్రధాన కార్యక్రమం జరిగింది. మాజీ ప్రధానమంత్రి పీవీ నరసింహారావు(PV Narasimha Rao) తరపున ఆయన కొడుకు ప్రభాకర్ రావు భారతరత్న అవార్డును అందుకున్నారు. కేంద్ర ప్రభుత్వం ఈ ఏడాది మొత్తం ఐదుగురికి భారతరత్న అవార్డ్‌ ప్రకటించిన విషయం తెలిసిందే. వారిలో ఇద్దరు మాజీ ప్రధానులు చౌధరీ చరణ్ సింగ్, పీవీ నర్సింహారావు కాగా.. మాజీ ఉప ప్రధాని లాల్ కృష్ణ అడ్వాణీ, బిహార్ మాజీ సీఎం కర్పూరీ ఠాకూర్(Karpuri Thakur), వ్యవసాయ శాస్త్రవేత్త, హరిత విప్లవ పితామహుడు డాక్టర్ ఎమ్ఎస్ స్వామినాథన్(MS Swaminathan) ఉన్నారు.
చదవండి:Rat Glue Traps : పెటా పోరాటం.. ఇక ర్యాట్‌ గ్లూ ట్రాప్‌లు ఆన్‌లైన్‌లో దొరకవు
పీవీ తరుఫున ఆయన కుమారడు అవార్డును స్వీకరించారు అనంతరం, మాజీ ప్రధాని చౌధరీ చరణ్‌సింగ్‌ తరపున ఆయన మనవడు జయంత్‌ చౌదరీ, వ్యవసాయ శాస్త్రవేత్త స్వామినాథన్ తరఫున ఆయన కుమార్తె నిత్యారావు, బిహార్ మాజీ సీఎం కర్పూరీ ఠాకూర్ తరఫున ఆయన కుమారుడు రమేశ్‌నాథ్‌ ఠాకూర్ భారతరత్న పురస్కారాలు అందుకున్నారు. బీజేపీ కురువృద్ధుడు, మాజీ ఉప ప్రధాని అద్వాణీకి ప్రదానం చేయాల్సి ఉంది. రాష్ట్రపతి ద్రౌపదీముర్ము, ప్రధాని నరేంద్రమోడీ, ఇతర నేతలు అద్వాణీ నివాసానికి వెళ్లి అవార్డ్‌ అందజేయనున్నారు.
చదవండి:Madhyapradesh : కూలర్లో నీళ్లు పోయమంటే వినని కొడుకు.. కత్తితో దాడి చేసిన తండ్రి
