కోల్ కతాలోని విశ్వభారతి యూనివర్సిటీకి చెందిన ఆరుగురు పరిశోధకుల బృందం కొత్త రకం బ్యాక్టీరియాను కనుగొంది. ఈ బ్యాక్టీరియాలో మొక్కలు వేగంగా ఎదిగేందుకు ఉపయోగపడే పదార్థాలు ఉన్నట్టు గుర్తించారు. ఇది వృక్ష జాతులకు ఎంతో మేలు చేస్తుందని పరిశోధనల్లో వెల్లడైంది. ఈ మంచి బ్యాక్టీరియాకు నోబెల్ విజేత, ‘విశ్వకవి’ రవీంద్రనాథ్ ఠాగూర్ పేరు మీదుగా ‘ప్లాంటోయా ఠాగూరై’ అని నామకరణం చేశారు.
ఇది కూడా చూడండి: Vin diesel: హాలీవుడ్ నటుడిపై మాజీ అసిస్టెంట్ లైంగిక ఆరోపణలు
ఈ పరిశోధనలో పాలుపంచుకున్న మైక్రోబయాలజీ ప్రొఫెసర్ బొంబా దామ్ మాట్లాడుతూ.. రవీంద్రనాథ్ ఠాగూర్ వ్యవసాయాన్ని ఎంతగానో ఇష్టపడేవారని, వ్యవసాయం గొప్పగా అభివృద్ధి చెందాలని ఆకాంక్షించారని వెల్లడించారు. అందుకే ఈ మేలు చేసే బ్యాక్టీరియాకు రవీంద్రుడి పేరు (Plantoea Tagorei) పెట్టామని వివరించారు. జీవులకు ఆయన పేరు పెట్టడం ఇదే ప్రథమం అని తెలిపారు.
చదవండి: Dunki Movie: బాక్స్ ఆఫీస్ కలెక్షన్ డే 1
