పప్పులేనిదే, పోపువేయనిదే మనం సాంబార్‌(Sambar)ని ఊహించలేం. ఇక్కడేమో కొబ్బరి పాలు, పచ్చి పసుపుకొమ్ము, టొమాటోలు, జీడిపప్పు పొడి (dry cashew nut) జీలకర్ర, తెల్లమిరియాలని మిక్సీపడితే చాలు… రుచికరమైన సాంబార్‌ సిద్ధమైపోతుంది. మరి అన్నం మాటేమిటీ అంటారా… బియ్యానికి బదులు అటుకుల్నే నానబెట్టి వాటికి కొబ్బరితురుమునీ, జీలకర్రనీ చేర్చి రుచికరంగా మనముందు ఉంచుతారు. అవసరాన్నిబట్టి దీన్నే టొమాటో రైస్‌గానూ, లైమన్’రైస్‌(Lemon’ Rice)గా చేసిపెడతారు. అంతేకాదు, ఇక్కడ నూనె అక్కర్లేని రకరకాల వడలూ చేస్తున్నారు.ఇంతకీ- నిప్పూ నూనె తగలకుండా ఇంత పచ్చిగానే ఇక్కడ ఎందుకు వడ్డిస్తున్నారూ అంటే… ‘మన ఆరోగ్యం కోసమే’ అనంటారు ‘నో ఆయిల్‌ నో బాయిల్‌’ వ్యవస్థాపకుడు శివ. పండ్లు కాదు… వాటితోపాటూ పచ్చికాయ గూరలూ తినడం చాలా మంచిదని చెబుతుంటారు వైద్యనిపుణులు.
చదవండి : పంచాయతీ కార్మికుల డిమాండ్లు వెంటనే పరిష్కరించాలి
కానీ ఆ పచ్చివాసనని భరిస్తూ ఎలా తినడం?’ ఇదే ప్రశ్న చాలా రోజులుగా శివనీ వేదిస్తుండేదట. ఆయన ఇదివరకు ఓ ప్రయివేటు సంస్థలో అకౌంటెంట్‌గా పనిచేస్తుండేవాడు. తమిళనాట(Tamil Nadu) ప్రకృతి వ్యవసాయం కోసం పోరాడిన నమ్మాళ్వార్‌ అన్న శాస్త్రవేత్త బోధనలపైన అతనికి మంచి గురి ఉండేదట. ఆయనోసారి ఓ విందుకెళితే అక్కడ నూనె, నిప్పూ వాడకుండా ఓ ఐదు రకలతో కూడిన భోజనం పెట్టారట. ఇదెలా చేయగలిగారని అడిగితే, తమిళనాడులోని కొన్ని ప్రకృతి వ్యవసాయ బృందాలు ఇలాంటి వంటకాలు తయారుచేస్తున్నట్లు చెప్పారట. ఆ బృందాల దగ్గరకి వెళ్ళి ఓ 15 వెరైటీలు నేర్చుకున్నాడు శివ. వాటిపైన పదేళ్ళపాటు ప్రయోగాలు చేస్తూ 2200 వంటకాలు తయారుచేశాడు. తమిళంలో నైవేద్యం అనే అర్థం వచ్చే ‘పడైయల్‌(Padayal)’ అన్న పేరుతో ఓ క్యాటరింగ్‌ అకాడమీని ఏర్పాటుచేశాడు.
చదవండి : BRSకు బిగ్ షాక్… ఎమ్మెల్సీ దామోదర్ రెడ్డి కాంగ్రెస్‌లోకి చేరిక
ఒక్క తమిళనాడు మాత్రమే కాకుండా దక్షిణాదిలోని పలు రాష్ట్రాలు తిరుగుతూ క్యాటరింగ్‌ (Catering) విద్యార్థులకి దీన్ని నేర్పించసాగాడు. ఈ వెరైటీ తరగతులపైన మీడియా దృష్టి కూడా పడటంతో ‘250 మంది మహిళలతో మూడు నిమిషాల్లో 300 వంటకాలు’ చేయించి ప్రపంచ రికార్డు సాధించాడు. వాటిని సామాన్యులకీ చేరువచేయాలన్న లక్ష్యంతోనే తన స్వస్థలం కోయంబత్తూరు(Coimbatore)లో ‘నో ఆయిల్‌ నో బాయిల్‌’ రెస్టరంట్‌ (Boyle’ Restaurant) పెట్టి… మూడేళ్ళుగా విజయ వంతంగా నడుపుతున్నాడు. మనదేశంలో మూడుపూటలా ఇలాంటి ఆహారాన్ని వడ్డిస్తున్న రెస్టరంట్‌ ఇదొక్కటే మరి!
