Anand Mahindra Shares A Video Of Elephant
Anand Mahindra: ఏదో సందేశం ఇచ్చే వీడియోలను రోజు షేర్ చేసుకుంటారు ఆనంద్ మహీంద్రా (Anand Mahindra). తాజాగా మరో వీడియోను పోస్ట్ చేశారు. అందులో ఓ ఏనుగు రోడ్డు దాటేందుకు ప్రవర్తించిన తీరు గురించి రాశారు. ట్విట్టర్‌లో వీడియో షేర్ చేయగా.. తెగ వైరల్ అవుతోంది. నెటిజన్ల కామెంట్లతో ఆ సెక్షన్ నిండిపోయింది.
ఘటన ఎక్కడ జరిగిందో తెలియదు.. కానీ ఓ ఏనుగు రోడ్డు దాటేందుకు ప్రయత్నిస్తోంది. రోడ్డు వద్దకు రాగా కంచె కనిపించింది. అప్పుడప్పుడు వాటికి కరెంట్ షాక్ పెడతారు కదా.. అందుకే పవర్ సప్లై అవుతుందో లేదో చెక్ చేసింది. కరెంట్ ఉందో లేదో.. కాలితో చెక్ చేసింది. పవర్ సప్లై కావడం లేదని నిర్ధారించుకున్న తర్వాత.. రోడ్డెక్కాలని నిర్ణయం తీసుకుంది. ఆ కంచెకు ఉన్న స్తంభాన్ని ముందుకు నెట్టింది. ఆ తర్వాత కంచె అంటకుండా జాగ్రత్తగా దాటి ముందుకు సాగింది. అలా రోడ్డు దాటి.. అటు వైపు ఉన్న దారి వెంట వెళ్లింది.
చదవండి: Rituvarma: ఈ తెలుగు అందానికి ఫిదా అవాల్సిందే!
ఆ వీడియోను ఆనంద్ మహీంద్రా షేర్ చేశారు. అడ్డంకులను ఎలా అధిగమించాలో ఏనుగును చూసి నేర్చుకోవాలని కోరారు. ఎదురయ్యే సవాళ్లను శక్తివంతంగా పరిశీలించాలని.. శక్తి తెలుసుకున్న సమయంలోనే ఆ సవాల్ సమర్థంగా ఎదుర్కొవాలో అర్థం అవుతుందన్నారు. అప్పుడే విజయం వరిస్తోందని రాసుకొచ్చారు. అచ్చం ఆ ఏనుగు లాగే గర్వంగా నడవండి అంటూ రాశారు. వీడియో షేర్ చేసిన 6 గంటల్లో 3 లక్షల మంది వీక్షించారు.
A masterclass from a pachyderm on how to overcome obstacles:
1) Carefully test how strong the challenge really is & where it might have least resistance.
2) Slowly apply pressure at the point of greatest leverage of your own strength.
3) Walk confidently through…
😊 pic.twitter.com/SmYm8iRWKH— anand mahindra (@anandmahindra) August 4, 2023
కంచెలో కరెంట్ ఉందేమోనని ఏనుగు పరీక్షించింది.. తర్వాత స్తంభాన్ని నెట్టిందని ఓ యూజర్ రాశారు. ఆనంద్ మహీంద్రా లాంటి దిగ్గజాలు మాత్రమే ప్రతి అంశం నుంచి పాఠం నేర్చుకుంటారు అని మరొకరు రాశారు.
