whale landing on boat : భారీ తిమింగలం చిన్న బోటు మీదికి ఎగిరి దూకే ప్రయత్నం చేసింది. దీంతో నడి సముద్రంలో ఉన్న ఆ బోటు ఓ సారి సముద్రంలోకి మునక వేసి మళ్లీ పైకి లేచింది. ఈ ఘటన అమెరికాలోని న్యూహాంప్‌షైర్‌ హార్బర్‌ సమీపంలో చోటు చేసుకుంది. 23 అడుగు పొడవున్న ఓ బోటు సముద్రంలోకి వేటకు వెళ్లింది. దానిలో ఇద్దరు వ్యక్తులు ఉన్నారు. సముద్రంలోకి వెళ్లాక వారి బోటుకు దగ్గరగా ఓ భారీ తిమింగలం(Whale) కదలాడుతూ కనిపించింది.
చదవండి : పవర్‌ఫుల్‌ పాస్‌పోర్ట్‌ల జాబితాలో టాప్‌లో సింగపూర్‌.. భారత్‌ స్థానం ఎంతంటే?
దీంతో బోటులో ఉన్న వారు భయపడ్డారు. ఆ బోటును సమీపంలో ఉన్న మరో బోటు నుంచి వ్యాటీ యగీర్‌, కొలిన్‌ అనే ఇద్దరు వ్యక్తులు వీడియో తీస్తూ ఉన్నారు. సముద్రంలో ఉన్న ఆ తిమింగలం(Whale) ఒక్కసారిగా గాల్లోకి లేచింది. ఎగిరి ఆ చిన్న బోటుపై పడింది. దీంతో నడి సంద్రంలో బోటు చిగురుటాకులా వణికిపోయింది. అందులో ఉన్న ఇద్దరు వ్యక్తుల్లో ఒకరు భయపడి ముందే సముద్రంలోకి దూకేశారు. మరొకరు సైతం సముద్రంలోకి పడిపోయారు.
చదవండి : గోదావరి వరదలు.. భద్రాచలంలో అలా.. ధవళేశ్వరంలో ఇలా!
చుట్టు పక్కలున్న బోట్ల వాళ్లు అక్కడికి చేరుకుని సముద్రంలో పడిపోయిన వ్యక్తుల్ని రక్షించారు. తిమింగలానికి(Whale) సైతం ఎలాంటి గాయాలు కాలేదని వారు చెబుతున్నారు. ఈ న్యూహంప్‌షైర్‌ కోస్ట్‌లో(NH coast) ఎక్కువా భారీ తిమింగలాలు కనిపిస్తూ ఉంటాయి. అయితే ఇలా బోట్లను మాత్రం ఎప్పుడూ టార్గెట్‌ చేయలేదు. ఈ విషయమై వారు ది సెంటర్‌ ఆఫ్‌ కోస్టల్‌ స్టడీస్‌ మెరైన్‌ యానిమల్‌కు సమాచారం అందించారు. ఘటనకు సంబంధించిన వీడియో(Video) ఇప్పుడు ఆన్‌లైన్‌లో వైరల్‌గా మారింది. దానిపై మీరూ ఓ లుక్కేసేయండి.
Whale lands on boat 😮😱 pic.twitter.com/eIJPIsB8YO
— Nature is Amazing ☘️ (@AMAZlNGNATURE) July 24, 2024
