Actor Allu Arjun : మెగా కుటుంబానికి చెందిన అల్లు అర్జున్‌ వైసీపీ అభ్యర్థి తరఫున ప్రచారం చేశారు. దీంతో ఆయన ఎందుకిలా చేశారంటూ పలువురు ఆశ్చర్యం వ్యక్తం చేస్తున్నారు. ఈ ఘటనకు సంబంధించిన పూర్తి వివరాలు ఇలా ఉన్నాయి. రెండు రోజుల క్రితం తెలుగుదేశం, జనసేన, బీజేపీ కూటమికి మద్దతుగా పుష్ప స్టార్‌.. అల్లు అర్జున్‌( Allu Arjun ) తన ఎక్స్‌ ఖాతాలో ట్వీట్‌ చేశారు. జనసేన అధినేత పవన్‌ కళ్యాణ్‌ భారీ మెజారిటీతో గెలుపొందాలని ఆకాంక్షించారు. ఈ ట్వీట్‌ చేసిన రెండు రోజుల తర్వాత వైసీపీ తరఫున ప్రచారానికి వచ్చారు. ఆయన ఎందుకిలా చేశారో తెలుసుకుందాం రండి.
చదవండి : మళ్లీ రూ.75 వేలు దాటిన బంగారం ధర!
అల్లు అర్జున్‌కి( Allu Arjun ) ప్రస్తుత నంద్యాల ఎమ్మెల్యే శిల్పా రవి చంద్ర కిషోర్‌ రెడ్డి మంచి స్నేహితుడు. ఆయన వైసీపీ(Ycp ) తరఫున ఈ ఎన్నికల్లోనూ పోటీ చేస్తున్నారు. దీంతో తన స్నేహితుడి కోసం ప్రచారం చేయడానికి అల్లు అర్జున్‌ నంద్యాల వచ్చారు. పుష్ప క్రేజ్‌ కొనసాగుతున్న నేపథ్యంలో అభిమానులంతా నంద్యాలలో భారీగా పోగయ్యారు. భారీ ర్యాలీలో పాల్గొన్నారు. గజమాలలు వేసి అల్లు అర్జున్‌ని ఆహ్వానించారు. ఆయన మొదట శిల్పా రవి చంద్ర కిషోర్‌ రెడ్డి ఇంటికి వెళ్లి అక్కడి నుంచి ర్యాలీ నిర్వహించారు. ఇందుకు సంబంధించిన వీడియోలు ప్రస్తుతం నెట్టింట్లో వైరల్‌ అవుతున్నాయి.
Huge Crowd Gathered for #AlluArjun AT NANDYAL (Allu Arjun at Nandyal For His FRIEND WHO IS A YCP CANDIDATE pic.twitter.com/BGsKRDFItq
— Addicted To Memes (@Addictedtomemez) May 11, 2024
