హైదరాబాద్ లో (Hyderabad) భారీగా స్టెరాయిడ్ ఇంజక్షన్స్ పట్టుబడ్డాయి. జిమ్ కు వెళ్తోన్న యువకులే టార్గెట్ గా మాఫియా రెచ్చిపోతుంది. ఈ ఇంజక్షన్ (injection) ద్వారా తక్కువ సమయంలో శరీరాన్ని అనుకున్న ఆకృతిలో తయారు చేసుకునే అవకాశం ఉంటుంది. బాడీ ఫిట్ నెస్ కోసమంటూ ఇంజెక్షన్లను అంటగడుతోంది. పక్కా సమాచారంతో దాడులు చేసిన అధికారులు భారీగా స్టెరాయిడ్ (Steroid) ఇంజెక్షన్లను పట్టుకున్నారు. జిమ్ చేస్తున్న యువకులే టార్గెట్ గా స్టెరాయిడ్ ఇంజెక్షన్లు, ట్యాబ్ లెట్లను విక్రయిస్తున్న ముఠా ఆట కట్టించారు. ముగ్గురిని అరెస్టు చేశారు. వీరి నుంచి 180 ఇంజెక్షన్స్, 1,100 ట్యాబ్ లెట్స్ ను స్వాధీనం చేసుకున్నారు.. నగరంలో 80కిపైగా జిమ్ లకు సంబంధించి వీరికి కాంటాక్టులున్నట్లు తెలుస్తోంది.
చదవండి : ఫొటోగ్రాఫర్లపై సైఫ్ అలీ ఖాన్ చిందులు
జిమ్ కు (Gym) వచ్చే యూత్ తక్కువ సమయంలో వారి శరీర ఆకృతి పెంచుకోవాలనే ప్రయత్నాలు చేస్తోంది. వీటికి సంబంధించి వ్యాయామాశాల నిర్వహకుల ప్రోద్బలంతోనే స్టెరాయిడ్స్ ఇంజెక్షన్లు, ముందులు సరఫరా చేస్తున్నట్లు తెలుస్తోంది. ఇదంతా గుట్టుచప్పుడు కాకుండా గడిచిన ఏడాది కాలంగా నడుపుతున్నట్లు సమాచారం. ఒక ఫిర్యాదు మేరకు సౌత్ జోన్ పోలీసులు (Police) పక్కా సమాచారంతో ఈ ముఠాను పట్టుకున్నట్లుగా తెలుస్తోంది. ప్రస్తుతం ఇన్వెస్టిగేషన్ కొనసాగుతుంది. లిస్టులో ఇంకా ఎంతమంది ఉన్నారు? హైదరాబాద్ (hydrabad) నగరంలో ఇంకా ఎన్నెన్ని జిమ్ సెంటర్లు ఉన్నాయి? ఇంకెంతమంది యువకులు స్టెరాయిడ్ తోపాటు ట్యాబ్ లెట్స్ వాడుతున్నారన్న కోణంలో పోలీసులు దర్యాప్తు చేస్తున్నారు.
చదవండి : మేఘాలయ CM గా కాన్రాడ్ సంగ్మా 7వ తేదీన ప్రమాణం
