తెలంగాణ రాష్ట్ర రోడ్డు రవాణా సంస్థ ప్రయాణికులకు గూడ్ న్యూస్ చెప్పింది. ప్రజలు, పర్యాటకులకు మరింత చేరువ అయ్యేందుకు రెండు ఆఫర్లను (టీఎస్ఆర్టీసీ(TSRTC)ప్రకటించింది. తాజాగా టి-6, ఫ్యామిలీ-24 టికెట్ల పోస్టర్లను ఆర్టీసీ ఎండీ వీసీ సజ్జనర్ (V.c sajjanar) రిలీజ్ చేశారు.ఈ టిక్కిట్లు శుక్రవారం నుంచి బస్ కండక్టర్ల( Bus conductors)వద్ద అందుబాటులో ఉంటాయని ఆయన తెలిపారు. మహిళలు, సీనియర్ సిటిజన్ల (Senior citizens) సౌకర్యార్దం టి-6 టికెట్‌ను సంస్థ అందుబాటులోకి తీసుకువచ్చింది.దీనిని రూ.50 చెల్లించి గ్రేటర్‌ హైదరాబాద్ (Greater hyderabad) పరిధిలోని సిటి ఆర్డినరీ,Ordinary మెట్రో బస్సుల్లో (Metro buses) ఆరు గంటల పాటు వారు ఎక్కడి నుంచి ఎక్కడికైనా ప్రయాణించవచ్చు. ఉదయం 10 గంటల నుంచి సాయంత్రం 4 గంటల వరకు మాత్రమే టి-6 టికెట్‌ చెల్లుబాటు అవుతుంది. ఉదయం 10 గంటల నుంచి మధ్యాహ్నం 2 గంటల వరకు ఈ టికెట్‌ను బస్సుల్లో కండక్టర్‌లు (conductor) ఇస్తారు. మధ్యాహ్నం 2 గంటల తర్వాత టి-6 టికెట్లను మంజూరు చేయరు. 60 ఏళ్లు పైబడిన సీనియర్ సిటిజన్లకు టి-6 టికెట్‌ వర్తిస్తుంది.
చదవండి : నాటు నాటు’ పాటకు ఆస్కార్‌ రావాల్సిందే : గరికపాటి
టికెట్‌ తీసుకునే సమయంలో వయసు ద్రువీకరణ కోసం వారు ఆధార్‌ కార్డు (Aadhaar card) చూపించాల్సి ఉంటుంది. వారంతాలు, సెలువు దినాల్లో కుటుంబ సభ్యులు, స్నేహితులు (Friends) కలిసి ప్రయాణించేందుకు వీలుగా ఫ్యామిలీ-24 టికెట్‌ను సంస్థ అందుబాటులోకి తెచ్చింది.ఈ టికెట్‌కు రూ.300 చెల్లిస్తే.. నలుగురు రోజంతా సిటీ ఆర్డినరీ, మెట్రో బస్సుల్లో ప్రయాణించవచ్చు. ఐదేళ్ల లోపు చిన్నారులకు ప్రయాణం ఉచితం కాగా.. అంతకు పైబడిన వారు ఫ్యామిలీ-24 టికెట్‌ (Family-24 Ticket) తీసుకోవచ్చు. శని, ఆదివారాలతో పాటు సెలవు దినాల్లో మాత్రమే ఈ ఆఫర్‌ ప్రయాణికులకు అందుబాటులో ఉంటుంది. ప్రస్తుతం గ్రేటర్‌ హైదరాబాద్ పరిధిలో తిరిగే బస్సుల్లో టి-24 టికెట్‌ను సంస్థ అందజేస్తోంది. 24 గంటల పాటు ఆ టికెట్‌ చెల్లుబాటు అవుతుంది. ఆ టికెట్‌ (Ticket) ధర పెద్దలకు రూ.100, పిల్లలకు రూ.60గా ఉంది.“గ్రేటర్‌ హైదరాబాద్‌లో తీసుకువచ్చిన టి-24 టికెట్‌కు ప్రయాణికుల నుంచి అనూహ్య స్పందన వస్తోంది. ప్రయాణికులకు ఆర్థిక భారాన్ని తగ్గించడం కోసమే టి-6, ఫ్యామిలీ-24 టికెట్లను (Family-24 tickets) అందుబాటులోకి తీసుకువచ్చామని స్పష్టం చేశారు. ఈ టికెట్ల ద్వారా తక్కువ చార్జీలతోనే హైదరాబాద్ నగరంలో ప్రయాణించవచ్చని గుర్తు చేశారు. టికెట్లకు సంబంధించిన పూర్తి వివరాలకు టీఎస్ఆర్టీసీ కాల్‌ సెంటర్‌ నంబర్లు 040-69440000, 040-23450033ను సంప్రదించాలని సూచించారు.
చదవండి : నువ్వు తోపువి సామి.. అక్కాచెల్లెళ్లను పెళ్లాడిన యువకుడు
