TSRTC : ఆ రూట్లో ప్రతి పది నిమిషాలకు ఒక బస్సు

Hyderabad To Vijayawada TSRTC Buses : వేసవి కాలం సెలవుల్లో హైదరాబాద్‌ నుంచి విజయవాడ వైపు కుటుంబ సమేతంగా వెళ్లే వారి సంఖ్య అధికంగా ఉంటుంది. దీంతో ఈ రూట్లూ సాధారణం కంటే ఎక్కువ రద్దీ చోటు చేసుకుంటుంది. దీన్ని దృష్టిలో ఉంచుకుని టీఎస్‌ఆర్‌టీసీ(TSRTC) కీలక నిర్ణయం తీసుకుంది. హైదరాబాద్‌ నుంచి విజయవాడకు ప్రతి పది నిమిషాలకు ఒక బస్సును అందుబాటులోకి తెచ్చింది. దీంతో ఎలాంటి అసౌకర్యం లేకుండా ఈ రోట్లో ప్రయాణాన్ని చక్కగా కొనసాగించవచ్చు.

చదవండి :  సమంత ఈజ్ బ్యాక్.. ‘మా ఇంటి బంగారం’

ఈ విషయాన్ని టీఎస్‌ఆర్‌టీసీ(TSRTC) ఎండీ సజ్జనార్‌ ఒక ప్రకటన ద్వారా తెలియజేశారు. తన ఎక్స్‌ ఖాతాలోనూ పోస్ట్‌ చేశారు. సెలవుల సందర్భంగా ఈ (HYDERABAD TO VIJAYAWADA) రూట్లో రోజుకు 120కి పైగా బస్సులు నడుపుతున్నట్లు ఆయన వెల్లడించారు. కావాలనుకుంటే ఈ బస్సుల్లో ప్రయాణించాలనుకునే వారు ముందుగా బుకింగ్‌ చేసుకునే సదుపాయాన్ని టీఎస్‌ఆర్‌టీసీ ఏర్పాటు చేసింది. అలా చేసుకున్న వారికి టికెట్టుపై పది శాతం వరకు డిస్కౌంట్‌ ఉంటుందని ప్రకటించింది. తిరుగు ప్రయాణ టికెట్‌పై ఈ రాయతీ వర్తిస్తుందని తెలిపింది.  http://tsrtconline.in అధికారిక వెబ్‌సైట్‌ ద్వారా ఈ టికెట్లు బుక్‌ చేసుకోవచ్చని పేర్కొంది.

చదవండి : నాకో రెండు మార్కులు తక్కువస్తే బాగుండేది.. టెన్త్ టాపర్ ఆవేదన

ఈ రూట్లో తిరిగే మొత్తం 120కి పైగా బస్సుల్లో 62 సూపర్‌లగ్జరీ, 41 రాజధాని, 9గరుడ ప్లస్‌, 10 ఈ గరుడ, 2 నాన్‌ ఏసీ స్లీపర్‌ కమ్‌ సీటర్‌, 2 లహరి ఏసీ స్లీపర్‌ బస్సులు అందుబాటులో ఉన్నాయని సజ్జనార్‌ తెలిపారు. కాబట్టి ఈ సదుపాయాన్ని అందరూ వినియోగించుకోవాల్సిందిగా పిలుపునిచ్చారు.

హైదరాబాద్-విజయవాడ రూట్ లో వెళ్లే ప్రయాణికుల కోసం ప్రతి 10 నిమిషాలకో బస్సును #TSRTC అందుబాటులో ఉంచింది. ఆ మార్గంలో ప్రతిరోజు 120కి పైగా బస్సులను సంస్థ నడుపుతోంది. అందులో లహరి ఏసీ స్లీపర్ 2, నాన్ ఏసీ స్లీపర్ కమ్ సీటర్ 2, ఈ-గరుడ 10, గరుడ ప్లస్ 9, రాజధాని 41, సూపర్ లగ్జరీ 62… pic.twitter.com/nvG8kzoaRH

— VC Sajjanar – MD TGSRTC (@tgsrtcmdoffice) April 27, 2024