tsrtc md sajjanar Original ID card proof is mandatory for female bus passengers
Sajjanar Clarifies TSRTC New Logo Rumors : టీజీఎస్‌ ఆర్టీసీ లోగోపై వస్తున్న రూమర్లకు ఆర్టీసీ ఎండీ సజ్జనార్‌ క్లారిటీ ఇచ్చారు. రాష్ట్ర ప్రభుత్వం ఉత్తర్వుల మేరకు టీస్‌ ఆర్టీసీని టీజీఎస్‌ ఆర్టీసీగా(TGSRTC) పేరు మార్చామన్నారు. అయితే దీనికి సంబంధించిన లోగో ఇంకా ఫైనల్‌ కాలేదని ఆయన వెల్లడించారు. ఈ లోపుగా కొందరు వ్యక్తులు టీజీఎస్‌ ఆర్టీసీ లోగోను తయారు చేయగా అది వైరల్‌ అయ్యంది.
చదవండి : వచ్చి సరెండర్ అవ్వు.. ప్రజ్వల్ కు దేవెగౌడ మాస్ వార్నింగ్
దీంతో ప్రస్తుతం నెట్‌లో హల్‌ చల్‌ చేస్తున్న లోగో ఫేక్‌ లోగో అని సజ్జనార్‌(SAJJANAR) వెల్లడించారు. తన అధికారిక ఎక్స్‌ ఖాతాలో ఈ విషయమై పోస్ట్‌ చేశారు. ఆర్టీసీ సంస్థకు ఆ లోగోకు( LOGO) ఎలాంటి సంబంధం లేదని అన్నారు. టీజీఎస్‌ ఆర్టీసీ లోగోను తాము ఇంకా రూపొందించలేదని తెలిపారు. త్వరలోనే దాన్ని డిజైన్‌ చేయిస్తామని చెప్పారు. ఈ ఫేక్‌ లోగోలతో తమకు ఏ మాత్రం సంబంధం లేదని స్పష్టం చేశారు.
చదవండి : ప్రభాస్‌ ‘బుజ్జి’ కార్‌ కోసం ఎంత ఖర్చు పెట్టారో తెలుసా?
ఈ విషయమై టీజీఎస్‌ ఆర్టీసీ అధికారులు గురువారం చిక్కడపల్లిలో పోలీసులకు ఫిర్యాదు చేశారు. టీజీఎస్‌ఆర్టీసీ ప్రతిష్ఠను భంగ పరిచేలా ఫేక్‌ లోగో( LOGO) తయారు చేసి దాన్ని సోషల్‌ మీడియాలో ప్రచారం చేస్తున్నారని పేర్కొన్నారు. దీంతో పోలీసులు హరీష్‌ రెడ్డి, తెలంగాణ డిజిటల్‌ మీడియా మాజీ డైరెక్టర్‌ కొణతం దిలీప్‌లపై కేసు నమోదు చేశారు. ఈ విషయమై దర్యాప్తు కొనసాగుతోంది.
