SRCL: గంభీరావుపేట మండలం లింగన్నపేట గ్రామానికి చెందిన హెడ్ కానిస్టేబుల్ బాలకృష్ణ కుటుంబ సభ్యులతో సిద్దిపేటలో ఆత్మహత్యాయత్నం చేశారు. కానిస్టేబుల్ బాలకృష్ణ.. భార్య, ఇద్దరు పిల్లలతో సహా పురుగు మందు తాగి ఆత్మహత్యకు యత్నించారు. అనంతరం బాలకృష్ణ ఉరేసుకున్నాడు. గమనించిన స్థానికులు భార్య పిల్లలను ప్రభుత్వ ఆసుపత్రికి తరలించారు.
SDPT: జగదేవ్పూర్ మండలం వ్యాప్తంగా గ్రామాల్లో ఆదివారం ఉదయం నుంచే దట్టమైన పొగమంచు కమ్ముకుంది. ఇండ్లు, చెట్లు, వాహనాల పై మంచు తుంపర్లు కురిశాయి. పొగమంచు ధాటికి రోడ్ల పై ఏమి కనిపించకపోవడంతో వాహనదారులు హెడ్‌లైట్లు వేసుకుని ప్రయాణించారు. అలాగే ఇటీవల వరుసగా విద్యా సంస్థలకు కార్యాలయాలకు సెలవు రావడంతో చాలా మంది ప్రయాణం చేపట్టారు.
NZB: జిల్లా ఆర్టీసీ బస్టాండ్‌లో ఓ వృక్షం పూర్తిగా ఎండిపోయింది. తీవ్రంగా గాలి వీస్తే వృక్షం కింద పడి ప్రమాదం జరిగే వీలుంది. ఆర్టీసీ అధికారులు తక్షణమే వృక్షాన్ని తొలగించాలని ప్రయాణికులు కోరుతున్నారు. ఈ విషయమై డి ఎం ఇంద్రను వివరణ కోరగా త్వరలోనే వృక్షమును తొలగించే విధంగా చర్యలు తీసుకుంటామని తెలిపారు.
KMR: పట్టణానికి 33 / 11 కేవీ విద్యుత్ సబ్ స్టేషన్ మంజూరు చేయడం జరిగిందని రాష్ట్ర ప్రభుత్వ సలహాదారులు షబ్బీర్ అలీ తెలిపారు. పట్టణంలో విద్యుత్ సమస్య ఉండడంతో ప్రజలు తమ దృష్టికి తీసుకు వచ్చినట్లు వివరించారు. వెంటనే ఉపముఖ్యమంత్రి భట్టి విక్రమార్కతో పాటు విద్యుత్ శాఖ అధికారులతో మాట్లాడి మంజూరు చేయించడం జరిగిందన్నారు.
MBNR: జడ్చర్లకు చెందిన ఇబ్రహీం చిస్తీని మరికొందరు అజ్మీర్ దర్గా దర్శనానికి వెళుతున్న సందర్భంగా మాజీ ఎమ్మెల్యే లక్ష్మారెడ్డి నివాసంలో మత పెద్దలు, మైనారిటీ నాయకులు దైవ ప్రార్థనలు నిర్వహించారు. అనంతరం మాజీ ఎమ్మెల్యే లక్ష్మారెడ్డి అజ్మీర్ వెళ్తున్న వారికీ దర్గాలో చాదర్ గిలాఫ్ సమర్పించాలని వారికి అందజేశారు.
SRPT: అర్హులకే ఇందిరమ్మ ఇండ్లు మంజూరు చేయాలని సీపీఎం జిల్లా కార్యదర్శివర్గ సభ్యుడు నెమ్మాది వెంకటేశ్వర్లు ప్రభుత్వాన్ని డిమాండ్ చేశారు. పెన్ పహాడ్ మండలం దూపాద్ గ్రామంలో సీపీఎం మండల కమిటీ సమావే శంలో ఆయన మాట్లాడారు. ఎన్నికల ముందు అనేక వాగ్ధానాలు ఇచ్చి అధికారంలోకి వచ్చిన కాంగ్రెస్ ప్రభుత్వం సంవత్సరం అవుతున్న ఇచ్చిన హామీలను నెరవేర్చలేదన్నారు.
MHBD: పురుగుల మందు తాగి ఓ వ్యక్తి ఆత్మహత్య చేసుకున్న ఘటన నర్సింహులపేట మండలం కొమ్ములవంచ గ్రామంలో చోటుచేసుకుంది. స్థానికులు తెలిపిన వివరాల ప్రకారం.. గ్రామానికి చెందిన డోనికేనా యాకన్న(38) శుక్రవారం సాయంత్రం పురుగులమందు తాగాడు. అపస్మారక స్థితిలో ఉన్న అతడిని వైద్యం కోసం తొర్రూరుకు తరలించారు. చికిత్సపొందుతూ శనివారం రాత్రి 11:30 గంటలకు మృతిచెందాడు.
KMR: జనరల్ స్టోర్స్ అసోసియేషన్ &బుక్ సెల్లర్స్ నూతన కార్యవర్గం అధ్యక్షులుగా కొమ్మ శ్రీనివాస్ -గణేష్ జనరల్ స్టోర్ &బుక్ సెల్లర్స్‌గా ఎన్నికయ్యారు. ప్రధాన కార్యదర్శిగా గంప సుధాకర్, తిరుమల జనరల్ స్టోర్స్ &బుక్ సెల్లర్స్, కోశాధికారిగా గంపప్రసాద్ -కృష్ణ ప్రసాద్ బుక్ సెల్లర్స్ లను ఏకగ్రీవంగా ఏనుకోవడం జరిగిందని ప్రధాన కార్యదర్శి గంప సుధాకర్ తెలిపారు.
JN: పాలకుర్తి మండల కేంద్రంలోని బోడ లలిత ఇంట్లో ఈ నెల 18వ తేదీన రాత్రి తాళం పగలగొట్టి ఇంట్లోకి చొరబడి 13 తులాల బంగారం, 40 తులాల వెండిని ఎత్తుకెళ్ళిన సాయి కుమార్‌ను పాలకుర్తి పోలీసులు దొంగను పట్టుకొని, పోయిన సొత్తును రికవరీ చేసి మీడియా ముందు ప్రవేశపెట్టారు. ఈ కేసులో ప్రతిభ కనబరిచిన సీఐ మహేందర్ రెడ్డి, ఎస్సై వెస్ట్ జోన్ డీసీపీ రాజమహేందర్ అభినందిచారు.
HYD: సికింద్రాబాద్‌లో ఆర్పీఎఫ్ పోలీసులు విస్తృతంగా తనిఖీలు చేపట్టారు. ఇందులో భాగంగా గోవా నుంచి మద్యం తరలిస్తుండగా 95 మద్యం బాటిళ్లు (82. 38 లీటర్లు) స్వాధీనం చేసుకున్నారు. గోవా నుంచి అతి తక్కువ ధరకు హైదరాబాద్‌కు తీసుకొచ్చి న్యూ ఇయర్ వేళ అమ్మేందుకు ముఠా ప్లాన్ చేసిందని పోలీసులు తెలిపారు. ఆర్పీఎఫ్ పోలీసులు ముఠా ప్లానుకు చెక్ పెట్టారు.
WGL: నల్లబెల్లి మండలం రుద్రగూడెంకి చెందిన మానస కూతురితో కలిసి ఆత్మహత్యాయత్నానికి పాల్పడింది. స్థానికుల ప్రకారం.. శీను సంతానం కోసం మానసను రెండో వివాహం చేసుకున్నాడు. వీరి దాంపత్య జీవితంలో విగ్నేశ్, సాత్విక జన్మించారు. కాగా కొద్దిరోజులుగా వీరి మధ్య గొడవలు జరుగుతున్నాయి. దీంతో తాను పురుగు మందు తాగి కూతురికి కూడా తాగించింది.
ADB: జన్నారం మండలంలోని వివిధ వాగులపై మంజూరైన వంతెనలు పూర్తి కాకపోవడంతో ప్రజలు ఇబ్బంది పడుతున్నారు. జన్నారం గ్రామ శివారులో ఉన్న పెద్ద వాగుపై గతంలో వంతెన మంజూరైంది. ఎన్నికల సమయం కావడంతో ఆ వంతెన నిర్మాణం చేపట్టలేదు. అలాగే రోటిగూడ శివారులో ఉన్న వాగుపై లో లెవెల్ వంతెన ఉంది. దాని స్థానంలో హై లెవెల్ వంతెన మంజూరు అయింది. ఆ వంతెనలు పూర్తి చేయాలని ప్రజలు కోరారు.
SRPT: రోడ్డు భద్రత పై సంబంధిత అధికారులతో సూర్యాపేటజిల్లా కలెక్టర్ తేజస్ నంద్ లాల్ పవార్ వీడియోకాన్పరెన్స్ ద్వారా శనివారం సమీక్షనిర్వహించి, జిల్లా కలెక్టర్ మాట్లాడుతూ రోడ్డు ప్రమాదాలను నివారించేందుకు పటిష్టమైనచర్యలు తీసుకున్నట్టుతెలిపారు.గతనెలలో జరిగిన సమావేశంలో జిల్లాలోనిఅన్నిజాతీయ రహదారులపైగుర్తించిన బ్లాక్ స్పాట్స్‌పై తీసుకునచర్యలనడిగి తెలుసుకున్నారు.
SRPT: జిల్లాలో అన్ని జాతీయ రహదారులపై సైన్ బోర్డులు ఏర్పాటు చేసి,అన్ని మున్సిపాలిటీలలో రోడ్ల ప్యాచ్ వర్క్ పూర్తి చేయాలని జిల్లా కలెక్టర్ తేజస్ నంద్ లాల్ పవార్ అన్నారు. శనివారం వెబేక్స్, వీడియో కాన్పిరెన్స్ ద్వారా రోడ్ల భద్రతపై సంబంధిత అధికారులతో కలెక్టర్ సమీక్ష నిర్వహించారు. కార్యక్రమంలో శ్రీనివాస రాజు, R&B, NHI, NH అధికారులు పాల్గొన్నారు.
HYD: ఎన్టీఆర్ స్టేడియంలో జరుగుతున్న జాతీయ పుస్తక ప్రదర్శనలో ప్రముఖ రచయిత, కేంద్ర సాహిత్య అవార్డు గ్రహీత పసునూరి రవీందర్ రచించిన మట్టి మేధావి కొల్లూరు సత్తయ్య పుస్తకావిష్కరణ జరిగింది. ఈ కార్యక్రమానికి ప్రొఫెసర్ కంచె ఐలయ్య ముఖ్యఅతిథిగా హాజరై పుస్తకాన్ని ఆవిష్కరించారు. అట్టడుగు వర్గంలో చదువు రాని కూలీగా సత్తయ్య జీవితం మొదలైందని పేర్కొన్నారు.
