మేడ్చల్: మల్కాజిగిరి సైనిక్ పూరిలో జీహెచ్ఎంసీ ఆధ్వర్యంలో ఏర్పాటు చేసిన ఎకో పార్క్ అందరికీ ఆహ్లాదం కలిగిస్తుంది. మరో వైపు ఇందులో ఓపెన్ జిమ్ సైతం ఉండటంతో, ఉదయం, సాయంత్రం వేళల్లో నగర ప్రజలు అక్కడికి వెళ్లి శారీరక ఆరోగ్యాన్ని పొందుతున్నారు. శరీరాన్ని మరింత ఉత్సాహపరిచేందుకు నగరంలో ఇలాంటివి మరిన్ని ఏర్పాటు చేయాలని కోరుతున్నారు.
NLG: మూసీ ప్రాజెక్టుకు వరద పెరిగింది. శనివారం 96.09 క్యూసెక్కుల ఇన్ ఫ్లో ఉండగా ప్రస్తుతం 369.09 క్యూసెక్కుల వరద కొనసాగుతోంది. ప్రాజెక్టు పూర్తి నీటిమట్టం 645 అడుగులు కాగా ప్రస్తుతం 642.94 అడుగులు ఉంది. మూసీ ప్రాజెక్టు పూర్తి నీటిమట్ట సామర్థ్యం 4.46 టీఎంసీలు కాగా ప్రస్తుతం 3.92 టీఎంసీల నీరు నిల్వ ఉన్నట్లు ప్రాజెక్ట్ అధికారి మధు తెలిపారు.
NLG: వానాకాలం, యాసంగి 2023-2024 సీజన్లకు సంబంధించి CMRను వచ్చేనెల 25లోగా పూర్తిచేయాలని అదనపు కలెక్టర్ శ్రీనివాస్ అన్నారు. NLG కలెక్టరేట్లో పౌర సరఫరాల అధికారులు,రైస్ మిల్లర్లతో శనివారం ఏర్పాటు చేసిన సమావేశంలో మాట్లాడారు.ఇప్పటి వరకు 85 శాతం CMRడెలివరీ పూర్తయిందనిమిగతా 15 శాతం పూర్తి చేయాలన్నారు. 2024-25వానాకాలానికి సంబంధించి నాణ్యమైన సన్నబియ్యం చేయాలన్నారు.
HYD: హై సిటీ ప్రాజెక్టులో భాగంగా గ్రేటర్‌లోని వివిధ ప్రాంతాల్లో పనులకు ప్రభుత్వం రూ.7,032కోట్ల పనులకు పరిపాలన అనుమతులు జారీ చేసింది. ఈ నేపథ్యంలో సదరు పనులు ప్రారంభించేందుకు GHMC అధికారులు సిద్ధమవుతున్నారు. ఈ ప్రాజెక్టుల్లో భాగంగా ఖాజాగూడ జంక్షన్, IIIT జంక్షన్, విప్రో జంక్షన్ల వద్ద డబుల్ డెక్కర్ ఫ్లె ఓవర్ల పనులకు రూ.837 కోట్లు పరిపాలన అనుమతులు జారీ చేశారు.
NZB: ఇసన్న పల్లి, రామారెడ్డిలోని శ్రీ కాలభైరవ స్వామి ఆలయంలో హుండీ లెక్కించగా రూ. 4,72,446 ఆదాయం వచ్చిందని అనే కార్య నిర్వహణ అధికారి ప్రభురామచంద్రన్ తెలిపారు. భక్తుల సమక్షంలో ఉండి లెక్కించినట్లు చెప్పారు. స్వామి వారి జన్మదిన వేడుకల సందర్భంగా భక్తులు ధన రూపంలో హుండీల సమర్పించినట్లు పేర్కొన్నారు.
PDPL: గోదావరిఖని తిలక్ నగర్‌లో వన్ టౌన్ పోలీసుల ఆధ్వర్యంలో శనివారం రాత్రి కళాబృందం ప్రదర్శన కార్యక్రమాన్ని నిర్వహించారు. ఈ సందర్భంగా సమాజంలో నిత్యం జరుగుతున్న సైబర్ క్రైమ్, ఈవ్ టీజింగ్, క్రైమ్, మహిళల రక్షణ- చట్టాలు, డ్రగ్స్ నియంత్రణ తదితర విషయాల గురించి ఆట పాటలతో అవగాహన కల్పించారు. ఈ కార్యక్రమంలో ఎస్సై శ్రీనివాస్ పాల్గొని ప్రజలను చైతన్య పరిచారు.
NLG: భారత కమ్యూనిస్టు పార్టీ శతాబ్ది ఉత్సవాల సందర్భంగా రేపు నల్గొండలో బహిరంగ సభ నిర్వహిస్తామని జాతీయ కార్యవర్గ సభ్యుడు చాడ వెంకటరెడ్డి తెలిపారు. సాయుధ పోరాటానికి కేంద్ర బిందువైన జిల్లా కేంద్రంలోని NG కళాశాల మైదానంలో సభ ఏర్పాటు చేసినట్లు తెలిపారు. బహిరంగ సభకు CPI జాతీయ ప్రధాన కార్యదర్శి D.రాజా, MLA కూనంనేని సాంబశివరావు పలువురు నేతలు పాల్గొంటారన్నారు.
SRD: కలెక్టర్ కార్యాలయంలో ఈ నెల 30వ తేదీన ప్రజావాణి కార్యక్రమం నిర్వహిస్తున్నట్లు కలెక్టర్ వల్లూరు క్రాంతి ఆదివారం ఓ ప్రకటనలో తెలిపారు. ఉదయం 10:30 నుంచి మధ్యాహ్నం 1:30 గంటల వరకు అధికారులు ప్రజల నుంచి నేరుగా వినతి పత్రాలు స్వీకరిస్తారని చెప్పారు. సమస్యలను అక్కడికి అక్కడే పరిష్కరించేలా చర్యలు తీసుకుంటారని పేర్కొన్నారు.
BDK: సింగరేణి సెక్యూరిటీ గార్డు నియామకాలలో పారదర్శకత పాటించాలని కోరుతూ.. ఎస్సీ,ఎస్టీ,బీసీ మైనారిటీ విద్యార్థి సంఘం రాష్ట్ర ప్రధాన కార్యదర్శి కోట శివశంకర్ సింగరేణి సిఎండీ బలరాం నాయక్ వినతి పత్రం అందజేశారు. గత పది సంవత్సరాలుగా నియామకాలలో అక్రమాలు జరుగుతున్నాయని, వాటిని నియంత్రించి అత్యంత పారదర్శకంగా నియామకాలు చేపట్టాలని కోరారు.
HYD: జీవించినంత కాలం చిన్న మచ్చ కూడా లేకుండా వ్యాపారం చేసి, చనిపోయిన తర్వాత కూడా స్మరించుకునేలా సేవలందించిన రతన్ టాటాకు భారతరత్న ఇవ్వాలని సీనియర్ సంపాదకులు దేవులపల్లి అమర్ అన్నారు. రతన్ టాటా జయంతిని పురస్కరించుకుని ఈఫిల్ లైఫ్ ఆర్ట్స్ క్రాఫ్ట్స్ కల్చరల్ సొసైటీ ఆధ్వర్యంలో పలువురికి రతన్ టాటా స్మారక పురస్కారాలు అందజేశారు.
NRML: 2025 జనవరి 3 నుండి నిర్వహించే సదరం క్యాంప్ వివరాలను జిల్లా గ్రామీణాభివృద్ధి అధికారి శనివారం ప్రకటనలో తెలిపారు. జనవరి 03, 07,09,16, 23, 28 తేదీలలో నిర్మల్ జిల్లా కేంద్రంలోని ప్రభుత్వ ఆసుపత్రిలో దివ్యాంగులకు సదరం క్యాంప్ నిర్వహించడం జరుగుతుందని, చరవాణికి మెసేజ్ వచ్చినవారు ఆయా తేదీలలో సరైన ధ్రువపత్రాలతో క్యాంపుకు హాజరుకావాలని కోరారు.
NZB: జక్రాన్ పల్లి మండలం బాల్ నగర్ వద్ద కామారెడ్డి కి భగీరథ నీటిని తీసుకెళ్లే పైప్లైన్ పగిలి నీరు వృధాగా వెళ్తుంది. మిషన్ భగీరథ అధికారులు తక్షణమే పైప్ లైన్ లీకేజీ మరమ్మతులు చేపట్టాలని స్థానికులు కోరుతున్నారు. పైపు లైన్ లీకేజీ కారణంగా తాగునీరు వృధాగా వెళ్లడంతో కామారెడ్డి జిల్లాకు తాగునీరు తగినంతగా వెళ్లడం లేదు. అధికారులు తగిన చర్యలు చేపట్టాలని కోరారు.
NRML: రాష్ట్రస్థాయి సీఎం కప్ పోటీలలో జిల్లా క్రీడాకారులు ఉత్తమ ప్రదర్శన కనబరిచినట్లు కలెక్టర్ అభిలాష అభినవ్ శనివారం ప్రకటనలో తెలిపారు. వెయిట్ లిఫ్టింగ్ 77 కిలోల విభాగంలో సారంగాపూర్ కళాశాలకు చెందిన వర్షిని బంగారు పతకం,102 కిలోల విభాగంలో దస్తురాబాద్ మండలం ప్రభుత్వ పాఠశాలకు చెందిన అభిషేక్ కాంస్య పతకం సాధించినట్లు కలెక్టర్ తెలిపారు.
JN: జిల్లాలోని ఏబీవీ ప్రభుత్వం డిగ్రీ కళాశాలలో అతిథి అధ్యాపక పోస్టుల దరఖాస్తుల గడువును పొడిగించినట్లు కళాశాల ప్రిన్సిపల్ నర్సయ్య శనివారం ఒక ప్రకటనలో తెలిపారు. కామర్, పొలిటికల్ సైన్స్ బోధించేందుకు 55 శాతం మార్కులతో పీజీ ఉత్తీర్ణులైన వారు అర్హులని పేర్కొన్నారు. ఈ నెల 31వ తేదీ సాయంత్రంలోగా దరఖాస్తు చేసుకోవాలని తెలిపారు.
MDK: ఉమ్మడి జిల్లాలో నాలుగో విడత రుణమాఫీ కోసం అన్నదాతలు ఎదురుచూస్తున్నారు. సంగారెడ్డి జిల్లాలో 11,301 మంది రైతులకు రూ.110 కోట్లు, సిద్దిపేట జిల్లాలో రూ.95 కోట్లకు అర్హులైన 9,063 మంది రైతులు నాలుగో విడత జాబితా కింద పేర్లు ఉన్నాయి. మెదక్ జిల్లాలో రూ.56 కోట్లకు అర్హులైన 7వేల మంది రైతులను లబ్ధిదారుల జాబితాలో గుర్తించారు.
